Муҳсин Низомиддинов мураббийликка ўтмоқда

Футболчилик даврида асосан Қўқон-1912 ва Нефтчи жамоалари шарафини ҳимоч қилган Низомиддинов учун бу йил футбол ўйнаш учун сўнгги мавсум бўлди. Сабаби Муҳсин эндиликда ўзини мураббийлик соҳасида синаб кўрмоқчи. 

- Бу йил иккинчи даврадан Қўқон-1912га келиб бир қатор ўйинларда қўлдан келганича жамоамга ёрдам бердим. Айтиш керакки, олий лига билан биринчи лиганинг ўртасидаги фарқ жуда катта. Қуйи лигадаги жамоаларнинг майдонлари ачинарли холатда. Қўқон-1912да ёшлардан иборат ажойиб жамоа шакллантирилмоқда. Шу боис ўрнимни ўша ўсиб келаётган ёшларга бўшатиб беришни жоиз топдим. Тан олиш керак, бугунги кунда элита вакилларидан чақирув йўқ. Ҳар бир мураббийнинг ўз қарашига тўғри келадиган футболчилари мавжуд. Шунинг учун ҳам вазиятга тўғри баҳо бериб, футболчиликни якунлашни ўйлаб турибман.

- Бу хусусда Қўқон-1912 раҳбарияти билан суҳбатлашганимда, улар мураббийлик лицензия учун курсларда таҳсил олишимга амалий ёрдам беришларини таъкидлаб ўтишди.

- Мураббийликни аввало болалар футболидан бошлашни ўйлаб турибман. Қолганини эса вақт кўрсатади.

Исломбек Рустамбеков суҳбатлашди.