ФИФА Азмун ва Хожсафини дисквалификация қилди

Бу ҳақда teammelli.com сайти хабар тарқатди. ЖЧ-2018 саралаши доирасидаги Қатар - Эрон учрашувида Ризо Ғучаннажод урган голдан сўнг эронликлар ёрдамчи мураббийи Жавод Некунам майдонга тушиб голни нишонлаган. Бунинг натижасида футболчилар орасида жанжал келиб чиққан. Унда Сардор Азмун ва Эҳсон Хожсафи "фаол иштирок" этишганди. Шу боис ФИФА иккала футболчини битта ўйинга дисквалификация қилди.

Улар 15 ноябрь куни Сурияга қарши баҳсда терма жамоага ёрдам бера олмайди. Некунамнинг ҳаракати ёшлар учун ёмон ўрнак бўлиши мумкинлиги туфайли мураббий 3та ўйинда захира ўриндиғида ўтирмайди.