Қозоғистон ПФЛ раҳбари Олжас Абраев истеъфога чиқди

Қозоғистон футбол Федерацияси Президенти Ерлан Кожагапанов Абраевнинг истеъфосини қабул қилди.

- Мен шунга қарор қилдим. Ўтган давр ичида ҚПФЛда олиб борган ишимдан умуман уялмайман. Футбол йўлида ишладим. Қозоғистон терма жамоасининг ўртоқлик учрашуви туфайли шундай қарорга келдим. Миллий терма жамоа ўртоқлик учрашувини ўтказишига ҳеч қачон қарши эмасман. Аммо қарорлар барча томонлар билан келишиб қабул қилиниши керак. Биз ҚФФ илтимосига кўра август ойи бошида терма жамоа учун бўш кунлар қолдиргандик. Бундан ташқари май ойи охирида ҳам ўйин ўтказишни таклиф қилгандик. Бизни ҳеч ким эшитмади. Мен футбол клубларнинг ҳуқуқини ҳимоя қилишни истагандим. Барчага раҳмат айтаман. Лига ўз ишини давом эттириши керак, - дейди Абраев.