Роналду жамоадошларини танқид қилди

- Агарда "Реал"да барча футболчилар мен каби ўйнашганида ҳозир турнир жадвалида биз биринчи ўринда бўлардик. Матбуот мен кераклигича яхши ўйнай олмаётганим ҳақида ёзмоқда. Лекин шуни унутмаслик керакки, статистика алдамайди. Мен ҳеч кимни ранжитмоқчи эмасман. Лекин майдонда зўр ҳаракат қилсангиз ғалаба қозониш осонлашади. Менга Пепе, Марсело, Бэйл ва Бензема билан бирга ўйнаш ёқади. Бу билан Хесе, Ковачич ва Лукас ҳақида ёмон гапирмоқчи эмасман. Мавсумга яхши ёки ёмон тайёргарлик кўрдик дея олмайман. Бизга жароҳатлар кўп панд бермоқда. "Атлетико" дарвозасини ишғол этиш учун бизда кўп имкониятлар бўлганди. Биз "Атлетико"ни мағлуб этишимиз керак эди. Лекин футбол шунақа. Чемпионлик учун кураш деярли тугади. Лекин биз ЕЧЛда ҳам иштирок этяпмиз. Шу боис бизда мотивация бор. Менимча, жамоамизда жароҳатланган ўйинчиларнинг кўплигига сабаб бу мавсумга тўғри тайёрлана олмаганимизга бўлса керак. Агарда "Барселона"да ҳам Месси, Саурес ва Неймар доимий жароҳатлар гирдобида тушиб қолганида улар пешқадам бўлишмасди.