Международный

Франция

Оливье Жиру - 57', Димитри Пайе - 89'

Чемпионат Европы. Группа A .

11/06/2016, 00:00

Тугади

Румыния

Богдан Станку - 65'

Стадион: 75113 томошабин

Бош ҳакам: Виктор Кашшаи

45'

90'

Трансляция Воқеа Таркиблар Чат

Ушбу ўйиндан олиб борган репортажимизни якунлаймиз. Доимо соғ ва саломат бўлинг, азиз футбол мухлислари! Кейинги ўйинларда сайтимиз орқали ғойибона кўришгунча. Эътиборингиз учун ташаккур!
ЎЙИН ТУГАДИ! Франция дастлабки ўйинда ғалаба қозонмоқда! Учрашув қаҳрамони эса шубҳасиз Димитри Пайе! Евро-2016даги дастлабки баҳсда мезбонлар ғалаба нашидасини суришмоқда. Франция ўз чўнтагини 3 очко билан тўлдириб олмоқда!
90'

Учрашувнинг асосий вақтига 3 дақиқа қўшиб берилди.
90'

Голдан кейин Дешам Пайенинг ўрнига Сиссоко майдонга тушди. Пайе кўз ёшлари билан майдонни тарк этмоқда. Қаҳрамон майдонни кўз ёшлари билан тарк этмоқда... Қойил, Пайе!
89'

ГОЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛ! ПАЙЕ!!!!!!!!!!!!!!!!!!!!!!!!!!!!! Бу болакай нималар қиляпти???? ПАЙЕ!!!!!! Шунчаки ажойиб, шедевр гол!!! Жарима майдончаси олдидан тўпни қабул қилган Пайе ўзининг такрорланмас кучли зарбаси билан тўпни дарвозанинг юқори бурчагига жойлаб қўйди - 2:1!!!!! Бу голни кўриш шарт!!!!!
87'

Франция режалаштираётган ҳужумлар кутилганидек ривожланмаяпти. Руминия ҳимояда жуда зич ўйнамоқда.
85'

Франциянинг ҳужуми кескин кўриниш олаётган бир пайтда энди Санья оффсайдда қолди.
84'

Руминия жарима зарбасини амалга оширди. Алибек тўпга боши билан зарба бера олмади. Агарда боши тўпга тегиб гол бўлган тақдирда ҳам бу инобатга олинмасди. Сабаби, ўйиндан ташқари ҳолат юзага келган экан.
82'

Руминия сафида ўзгариш: Попанинг ўрнига Торже майдонга туширилди.
81'

Антони Марьсяль олдинга интилди ва жамоадоши билан девор услубида ўйнаб, зарба беришга чоғланди. Унинг дарвоза томон тепган зарбаси жуда кучсиз чиқди. Ҳозир тушган боланинг тепган зарбасига ҳечам ўхшамади, рости...
80'

Димитри Пайе бугун жуда ажойиб ўйнамоқда. Ҳақиқий етакчилардек ҳаракат қимоқда. Шу боис ҳам Дешам майдондан ўйини кўнгилдагидек чиқмаган Погба ва Гризманни олди ва Пайега янада катта масъулиятни юклади.
79'

Дидье Дешамнинг ушбу ўзгаришдан сўнг Пайе марказга кўчди. Коман ва Марьсяль олдинги чизиқда қанотларда, Жиру эса марказда ҳаракат қилаверади.
78'

Попа Пайега нисбатан майдон марказидаги қўполлиги учун огоҳлантириш олди.
76'

Францияда яна ўзгариш. Бу сафар Поль Погба майдонни тарк этди. Унинг ўрнига Антони Марьсяль майдонга тушди.
74'

Коман ва Эвранинг ўзаро комбинацион ҳаракатидан сўнг Патрис тўпни жарима майдончасига оширди. Бу ерда Руминия ҳимоячиси Григори яхши ўйнади ва хавфни бартараф этди.
73'

Европа чемпионати яхши бошланмоқда, а? Дастлабки ўйинда илк гол, пенальти ва яна деярли сенсация остонасида турибмиз... Руминия бугун ютқазишга лойиқ ўйнамаяпти, тўғрисида... Ҳар иккала жамоа имкон қадар сифатли, тажовузкор ва чиройли футбол кўрсатишга ҳаракат қилишмоқда. Бу учун уларга раҳмат. Ўйин эса давом этади..
72'

Руминияда яна ўзгариш. Станчунинг ўрнига Кипчу майдонга тушди.
71'

Ўйин охирги 2 дақиқа бироз тинди. Жамоалар сал енгил нафас олишмоқда.
69'

Жирунинг бу ҳаракати эса Кашшаининг эътиборидан четда қолмади. Жирунинг ҳаводаги курашда рақибига нисбатан ишлатган қўполлиги учун ҳакам унга сариқ карточка кўрсатди.
69'

Кашшаи Оливье Жирунинг найрангларига учмади.... Жиру жарима майдончаси ичида йиқилди ва ҳакамга қараб, энди бизга ҳам пенальти қўйинг, дегандек қилди... Кашшаи эътибор ҳам бермади.
68'

Ана энди ўйин янада қизийди, ишонаверинг! Евро-2016! Европа чемпионати! Ажойиб старт!
67'

Францияда ўзгариш: Гризманн ўрнига Коман майдонга тушди.
65'

ГОЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛ! СТАНКУ!!!!! Станчу ишлаган пенальтини Станку самарали якунлади - 1:1!
64'

ПЕНАЛЬТИ! Станчу Руминия учун 11-метрлик жарима зарбаси ишлаб бермоқда. Эвра Станчуни қоидани бузган ҳолда тўхтатиб қолганди...
62'

Ўйин анча тезкорлик билан кечмоқда. Ҳужумлар сони ошди. Руминия олдинга ўтишга интилмоқда. Францияда эса бўш ҳудудлар энди янада кўпаяди.
61'

Ўзгариш: Андоне ўрнига Алибек майдонга туширилди.
60'

Руминия ҳужумга ўтмоқда. Бошқа иложиси ҳам йўқ. Андоненинг боши билан йўллаган зарбаси дарвозага аниқ бормади.
59'

Гол бўлган вазиятда Жиру Тэтэрушануга нисбатан қоидани бузгани айтилмоқда. Кашшаи эса голни инобатга олди.
58'

ГОЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛЛ! ОЛИВЬЕ ЖИРУ!!!! Франция ниҳоят ўз мақсадига эришди! Тиниб-тинчимаган Пайенинг бу галги тўп оширишидан сўнг Оливье Жиру боши билан гол киритди - 1:0! Почин очилди!
57'

#POGBOOM!!!!!!!!!!!!!!!!!!!!!!! Димитри Пайе жарима майдончасига марказдан келаётган Погбани кўрди ва тўпни ҳаволатиб Поль Погба томон узатди. #POGBOOM жуда кучли зарба йўллади ва Тэтэрушану катта саҳнага чиқди!
56'

Андоне оддий вазиятларда тўп йўқотмоқда. Кешерюни майдонга тушириш пайти келмадимикин, а?
54'

Дидье Дешамнинг боши қотган. Дешам тик турганча ўйинни асабий тарзда кузатиб бормоқда.
53'

Франция "уйғонгандек" бўлди! Пайе ажойиб паси орқали Жируни яккама-якка вазиятга чиқарди. Оливье Жиру эса тезда тўпни дарвозага йўллади. Тэтэрушану ўз ўрнида ишончли ўйнади.
51'

Ишқибозлар Францияни "уйғотишмоқчи"! "Стад де Франс"да йиғилган мухлислар ўз суюклиларини қўллаб-қувватлашни кучайтиришди, Франция эса ўйинни кучайтиргани йўқ...
50'

Руминия айни пайтларда Франциядан очиқчасига зўр, кучлироқ ва яхшироқ ўйнамоқда.
48'

Хавфли вазият!!! РУМИНИЯ! Яна улар хавфли вазиятлар билан иккинчи тайм бошлашмоқда. Станку ҳозир жарима майдончаси ичида ёлғиз қолди ва тўпни кўкраги билан қабул қилиб, дарвоза томон чалқанча услубда зарба берди. Аммо мўлжалда адашди Станку....
47'

Руминиянинг ҳужумини Сэпунару ўз қаноти орқали ташкиллаштирмоқчи бўлганди. Аммо унинг жарима майдончаси ичига ошириб берган тўпи ноаниқ кетди.
46'

Иккинчи тайм бошланди!
Кашшаи хуштагни чалди ва футболчиларни танаффусга чорлади. 15 дақиқадан сўнг худди шу жойда "учрашамиз"...
45+2'

Уҳҳҳҳҳҳҳҳҳҳҳҳҳҳҳҳҳҳҳҳҳҳҳҳҳ! Оливье ЖИРУ! Пайенинг бурчак зарбасидан ошириб берган тўпини Жиру боши билан дарвозага жойлаб қўймоқчи бўлди. Аммо ҳужумчи мўлжалда адашди.
45'

Биринчи бўлимга Кашшаи томонидан 2 дақиқа қўшиб берилди.
45'

Рац ҳам Кашшаининг сариқ карточкасига лойиқ кўрилди
44'

Франция жарима зарбасини амалга оширди. Пайенинг ошириб берган тўпига "калла" қўядиган футболчи топилмади. Погба иккинчи темпда давом этган ҳужумни самарали якунлаши мумкин эди. Аммо #POGBOOM зарба беришда адашди...
43'

Ўйинг тенг курашлар остида ўтяпти, деб алдамоқчи эмасман. Кичик устунлик барибир Франция тарафида. Лекин Руминия жуда яхши ҳаракат қилаётганини алоҳида таъкидлаш жоиз...
42'

Руминияда ҳам, Францияда ҳам голга тортадиган вазиятлар бўлди. Аммо ҳозирча ҳал қилувчи нуқтани қўядиган футболчи топилмаяпти...
40'

Руминиянинг ягона ҳужумчи сифатида ўйнаётган Андоне ҳаводан келаётган тўпни қабул қилиб олиб, жарима майдончасига кираётганда Косельни рақибини тепиб тўхтатиб қолганди. Аммо Кашшаи ушбу вазиятни кўздан қочирди...
38'

Жирунинг товони билан ажойиб пасидан кейин Гризманн олдинга ўтиб кетаётганда лайнсмен байроқчасини кўтариб қолдию...
37'

ХАВФЛИ ВАЗИЯТ!!!!!!! Пайенинг ажойиб тўп узатмасидан сўнг Гризманн гол муаллифига айланиши мумкин эди. Аммо зарба йўл-йўлакай бошқа футболчига тегиб дарвоза устунининг олдигинасидан ўтиб кетди...
36'

Франция терма жамоаси катта куч билан олдинга боришга шошилмаяпти. Руминия ҳам энди пайт пойламоқда. Ўйин майдон марказига кўчди.
33'

Кирикеш сариқ карточка ишлаб олди. Турнирдаги дастлабки огоҳлантириш.
33'

Евро-2016даги илк голни ким киритади, деб ўйлайсиз? Ҳозирча майдондаги барча футболчилар шу ишни уддалаш мақсадида тер тўкишмоқда...
32'

Матюиди ва Пинтили тўқнашувида Руминия терма жамоаси ярим ҳимоячиси шикастланди. Унга тиббий ёрдам кўрсатилмоқда.
30'

Тўпга эгалик қилиш статистикаси айни пайтда: 54:46:% французлар фойдасига.
28'

Поль Погба! #POGBOOM узоқ масофадан ўз омадини синаб кўрди. Зарба кучли, хавфли, аммо ноаниқ кетди...
26'

Франция жарима зарбасини кетма-кет иккинчи бор амалга оширди. Тэтэрушану бу сафар тўпга ҳаммадан олдин эгалик қилди.
25'

Сэпунару Эврани жуда чиройли тарзда алдаб ўтганди, кейинчалик эса Эвра ундан кескин ҳаракат қилиб тўпни олиб қўйди. Кашшаи жим. Бу вазиятда жарима зарбаси берса ҳам бўлаверарди...
24'

Руминия Францияни ҳимояланишга мажбур этишни давом эттирмоқда. Франция бугун, ҳозирча қарши ҳужумларда ҳужумга қочмоқда...
22'

Погбага нисбатан Станчу бироз қўполроқ ҳаракат қилди. Кашшаи фол қайд этди. Матюиди эса сариқ карточка сўрагандек бўлди. Кашшаи эса унга, ука, жимгина футболингни ўйна, дегандек гапирди... Буёғи ўзбекча таржима...)
21'

Исми ғалати эшитиладиган Попа ўз қаноти орқали ҳужумга ўтмоқчи бўлаётганда Эвра бунга йўл қўймади. Патрис қаримайди, ҳужумчиларни қаритади шекилли...
20'

Ўйин темпи пасайгани рост, лекин ички динамика жуда юқори...
18'

Майдонда аёвсиз кураш, "жанг" кечмоқда... Майдонни ҳар бир қаричи учун футболчилар ҳудди ўзига ер талашгандек талашишмоқда...
15'

Уҳҳҳҳҳҳҳҳҳ! Мана мен нечун севаман Евро футболни! Погба ажойиб ҳаракати билан узун паси орқали Саньяни ўз қанотидан олдинга бошлади. Саньянинг жарима майдончаси ичидаги Гризманнга ошириб берган тўпини Антони биринчи уринишда дарвозага йўлламоқчи бўлганди. Аммо ҳимоячи унинг зарбасини тўсди, иккинчи уринишда эса Гризманн боши билан яна дарвозани нишонга олмоқчи бўлди ва устунни кўзлади! Жуда, жуда ҳаяжонли дақиқалар....
14'

Франция ташаббусни ўз қўлига олишга уринмоқда. Деярли бу ишни уддалашди ҳам. Погба, Гризманн каби футболчилар жамоанинг ҳужумини ривожлантиришда фаоллик кўрсатишмоқда.
11'

Французлар ижросидаги бурчак зарбаси Руминияники каби чиқмади. Аммо иккинчи темпда Пайе ҳужумни давом эттирди ва тўпни жарима майдончаси ичидаги Жиру томон оширди. "Арсенал" ҳужумчисининг боши билан йўллаган зарбаси хавфли, аммо ноаниқ чиқди.
10'

Франция бурчак зарбаси ишлаб олди.
8'

Менга бу Руминия кўпроқ ёқмоқда. Тажавузкор жамоа чиқди бу руминлар... Шу темпни сақлаб қолиш даркор...
7'

Франция бу каби стартни кутмагани аниқ. Довдираб қолган французлар аста-секин ўзларига келишмоқда. Погба ва Канте майдон марказида ўйинни ўзларига олишга ҳаракат қилишмоқда.
6'

Руминиянинг ҳужуми давом этди. Андоненинг боши билан йўллаган зарбаси бироз ноаниқ кетди. Қани бу мақталган Франция?
5'

ХАВФЛИ ВАЗИЯТ!! УГО ЛЬОРИС!!!!!!!!!!!!!!!!!!!!!! ҚОЙИЛ!!!!!!!!!!!!!!!!!!! Руминия ҳужумкор ўйнамоқда. Бурчак зарбасидан сўнг Андоне тўпни Станкуга боши билан узатди ва Станкунинг 2 метрдан тепган зарбасини УГО ЛЬОРИС фантастик сейви орқали қайтариб қолди! Ээээ қойил!
4'

Пинтили узоқ масофадан зарба йўллаб кўрди. Мўлжалда адашди румин...
2'

Руминия дарвозабони ҳаяжонланмоқда. Тэтэрушану, ўзингни босиб ол! Матюидининг зарбасидан сўнг Тэтэрушану тўпни қўлидан чиқариб юборди ва руминиялик мухлисларни бироз қўрқитди. Ҳаммаси жойида, ўйин давом этади...
ЕВРО-2016 СТАРТ ОЛДИ! УЧРАШУВ БОШЛАНДИ! Қани, кеттик...
Франция мадҳиясига навбат... Бутун стадион жўр бўлиб куйламоқда...
Руминия мадҳияси янграмоқда...
Диққат! Жамоалар майдонга тушиб келишди...
Руминиянинг бошланғич таркиби мени бироз ажаблантирди. Торже ва Кешерю сингари моҳир футболчилар захира ўриндиғида қолдирилган.
Франция терма жамоасининг таркиби анча кучли, тан олиш керак. Лекин Руминия ҳам шунчаки иштирок этиш мақсадида турнирда келмаган, деб умид қиламиз. Бизга чиройли футбол ва кучли қарама-қаршилик кўрсатиб беришса бас. Турнир сенсация билан бошланса ҳам розиман, дегим келгандию, аммо французларга ишқибозлик қиладиганлар ҳам анча топилади.... Шу боис бир нима демаган маъқул)
Ҳазил-ҳазил билан Евро-2016 ҳам старт олай деб қолди... Жуда кам қолди!
Худо хоҳласа ЖЧ-2038 учун махсус мадҳияни ўзимизнинг "бирровчи" қўшиқчилар ичидан ҳам бирортаси куйлаб қолар...
Евро-2016 учун махсус мадҳияни машҳур DJ David Guetta куйлайди.
Ниҳоят Европа чемпионатининг очилиш маросими бошланмоқда.
"ЎзРепорт" ҳамда "МАТЧ ТВ" каналларида репортаж бошланди. Жамоаларнинг стадионга кириб келиши, чигалёзди машғулотларидан лавҳалар кўрсатилмоқда. "Стад де Франс" эса мухлислар билан тўлиб тошмоқда.
Жамоалар аллақачон майдонга тушиб, ўйин олди чигалёзди машқларни бошлаб юборишган.
Франция - Льорис - Санья, Косьельни, Рами, Эвра - Канте, Матюиди, Погба - Гризманн, Пайе, Жиру.
Руминия - Тэтэрушану - Сепунару, Григоре, Кирикеш, Рац - Хобан, Пинтили, Станчу, Попа, Станку - Андоне.
Учрашувни венгриялик рефери Виктор Кашшаи бошқариб боради.
Европа чемпионати очилиш учрашуви - Франция - Руминия баҳсини Шаҳбоз Беғамов матнли онлайн тарзида шарҳлаб боради.
Ассалому алайкум қадрли футбол ишқибозлари! Узоқ кутилган, кўпчилик интизорлик билан интиқ бўлган катта футбол карвони йўлга чиқмоқда. Францияда бўлиб ўтадиган футбол байрами, яъни Европа чемпионати ниҳоят старт олмоқда! Демак 10 июндан - 10 июлга қадар ҳар куни Сиз азиз футбол мухлислари билан шу ерда, учрашувларнинг матнли онлайн трансляциясида "кўришамиз"! Мусобақанинг очилиш учрашуви - Франция - Руминия ўйинини шу ерда, бирга кузатиб борамиз. Беллашувнинг қайноқ вазиятлари, ўйин тафсилотлари билан айнан шу ерда онлайн тарзда танишиб борамиз. Демак катта ўйин бошланиш арафасида.