OCHL. Bahrom Hakimov “Nasaf” va “Paxtakor” o'yini oldidan nima deydi?

Qarshida “Al ahli” “Nasaf” bilan kuch sinashsa, “sherlar” BAAda “Al Ayn” mehmoni bo'ladi. Mazkur uchrashuvlar oldidan biz taniqli mutaxassis Bahrom Hakimovning fikrlarini bilishga qiziqdik.

- “Nasaf”ning orqasida yo'l yo'q. Qarshiliklar bugun o'z maydonida o'ynaydi. SHunday ekan ular faqat g'alaba qozonishi kerak. Aks xolda, imkoniyatlar keskin pasayib ketadi. Buni jamoa azolari ham yaxshi tushunib turgan bo'lsa ajab emas. Bilaman Qarshida bugun muxlislarning stadionga tashrifi juda ko'p bo'ladi. Bu esa yigitlarga ruhiy tasir o'tkazadi. Umid qilamanki, “Nasaf” bugun yutqazmaydi.

- “Paxtakor” haqida nima deyishim mumkin? Bu jamoa o'z maydonida qimmatli ochkoni boy berib, qiyin vaziyatga tushib qoldi. Lekin “sherlar”ning oxirgi marta “Buxoro” bilan o'ynaganida TV orqali o'yinini ko'rgandim. Nazarimda futbolchilarning xarakat chakki emas. SHaxsiy fikrimni aytadigan bo'lsam, “Paxtakor”da ko'proq Iskanderov, Sergeev, Kozak va Maxaradzega ko'p narsa bog'liq. Aynan ular jamoa g'alabasini taminlaydigan darajaga chiqdi. Lekin OTJ safida Iskanderov va Sergeev o'zini unchalik ko'rsata olmadi. Yoshlarda barqarorlik bo'lmaydi. Ehtimol ular bilan ham shunday xolat uchrayotgandir.

- Nima bo'lganda ham bugun xalqaro maydonda yurtimiz sharafini himoya qiladigan klublarimizga omad yor bo'lishini tilayman – deydi Bahrom Hakimov.


Islombek Rustambekov