24 oct 15:16
News

ЖЧ-2013 (U-17). Ўсмирларимиз Хорватия билан ўйинга тайёр

Ўсмирлар ўртасидаги жаҳон чемпионатида ўз иштирокини давом эттираётган Ўзбекистон ўсмирлар термаси кеча Хорватияга қарши ўйинолди сўнгги машғулотини ўтказди.

Маҳаллий вақт билан 19:00да бошланган машғулот Фужайра шаҳрининг бироз четроғида жойлашган “Ал Аруба” стадионида ўтказилди.

Ўйинолди машғулот бир соат-у 15 дақиқа давом этди. Бунда футболчилар кўпроқ тўп билан муомала қилиш ҳамда тўпни бир-бирларига тез ва аниқ етказиб бериш устида ишлашди. Машғулотни ЎФФ техник директори Рустам Акрамов ҳам кузатиб борди ва жараён якунига етгач, термамиз мураббийларига ўз маслаҳатларини берди.

Машғулотда барча футболчилар иштирок этишди. Ҳамманинг кайфияти жойида. Энг муҳими, ҳеч ким Хорватиядан чўчиётгани йўқ. Биз ҳар қандай рақибни ҳурмат қиламиз, лекин ҳеч кимдан чўчимаймиз қабилида фикрлашяпти, бизнинг йигитлар.

Демак, бугун Тошкент вақти билан 21:00да футболчиларимиз гуруҳдаги охирги беллашувни Хорватияга қарши ўтказишади. Умид қиламизки, бу ўйинда жамоамиз ғалаба қозониб, ўзбекистонлик мухлисларга қувонч улашади.
Rating:    

Comments

< show latest news
������.�������

Press "Like"
to read CA at facebook