17 feb 19:20
News

Зафар Тўраев: "Бу йил "Машъал"да ўйнаш иштиёқим кучли"

Фарғоналик бу футболчини айрим мухлислар италиялик таниқли ўйинчи Гаттузога қиёслашади.
"Олмалиқ" сафида порлаб чиққан Тўраев кўпинча ўзининг тезкор ҳаракатлари эвазига мухлисларни эътиборини тортади. Шу боис Зафарни бу йил ўз таркибида кўришни истаган жамоалар кўпчиликни ташкил этди. Ҳуқуқий жиҳатдан "Олмалиқ"қа тегишли бўлган футболчи Игорь Шквирин жамоасида шуғулланиб келаётганди лекин у яқинда бу жамоанинг Туркияга йўл олган таркибидан жой олмади. Вазиятга ойдинлик киритиш мақсадида Тўраевнинг ўзи билан боғландик.

- Бу йил "Олмалиқ"да ўйнамаслигим ҳақиқатга яқинроқ десам ҳам бўлаверади. Шу боис айни дамда "Машъал" ўқув йиғин машғулотларида иштирок этяпман. Бу жамоа менга ёқди ва асосий эътиборимни газчилар сафида қолишга қаратганман. Ҳозирча қаерда ўйнашим расман аниқ бўлгани йўқ. Агарда муборакликлар билан келиша олсак, албатта жон деб қолган бўлардим. Чунки "Машъал" менга ёқди. Шу боис бу жамоада ўйнаш иштиёқим кучли. Қолганини вақт кўрсатади", - дейди  Зафар Тўраев "СА"га берган интервьюсида.
Rating:    

Comments

< show latest news
������.�������

Press "Like"
to read CA at facebook