16 nov 12:17
News

Воҳид Шодиевнинг дебюти омадли чиқди

Хабарингиз бор, кеча миллий терма жамоамиз Ханойда Вьетнамни йирик ҳисобда (3:0) мағлуб этди.
Мазкур ўйинда Миржалол Қосимов бир қатор ёшларга имконият берганига гувоҳ бўлдик. Хусусан, олий лигамизда ўзини кўрсатишга эришган ҳужумчи Воҳид Шодиев дастлабки дақиқалардан бошлаб майдонда тўп тепди. Бу унинг миллий терма жамоадаги дебют учрашуви эди. Айтиш керакки, Шодиевнинг дастлабки ўйини муваффақиятли якун топди. Воҳид дебют ўйинида ғалаба қозониш билан бирга бош жамоамиз сафида ўзининг илк тўпини киритишга эришгани эътиборга моликдир.
 
Шу ўринда 27 ёшли футболчи ҳақида қисқача тўхталиб ўтсак. Шодиевни олий лигада таниқли мураббий Ислом Аҳмедов кашф этган. 2007 йили кучлилар сафида иштирок этган “Ўз-Донг Жу”да Воҳид элитадаги дебют мавсумини ўтказганди. Ўшанда бош мураббий Ислом Аҳмедов шогирди ҳақида илиқ фикрларни айтгани ҳамон ёдимда. “Шодиев якка курашларда кўпинча ғолиб чиқади. Ҳаводаги “жанг”ларда ҳам ютқазмайди. Тиришқоқлиги унинг энг катта пльюс томонларидан бири” дея таъриф берганди Аҳмедов ўшанда. Кейинчалик футболчи маълум муддат “Қизилқум” шарафини ҳимоя қилди. Ушбу клуб сафида ҳам у тўпурарлик маҳоратини намойиш эта олганини айтиб ўтиш керак.

Мана охирги мавсумда Тачмурод Агамуродов қўл остида Воҳид янада “очилди” ва миллий терма жамоамиз мураббийлар штабининг ҳам назарига тушди. Шодиев гарчи жиззахлик бўлса-да, ҳанузгача “Сўғдиёна” таркибида тўп тепиш насиб этмаяпти.
 
Исломбек Рустамбеков.
Rating:    

Comments

< show latest news
������.�������

Press "Like"
to read CA at facebook