12 jul 12:37
News

Темур Кападзе: "Актобе" учун учала мусобақа ҳам муҳим"

"Актобе" - "Гандзасар" учрашувидан сўнг ўйин қаҳрамони Темур Кападзе қозоғистонлик ҳамкасбларимизга интервью берди.
- Темур, ғалаба билан табриклаймиз. Бугун ҳам дублга эришдингиз...
- Раҳмат. Бу йил иккични дублни қайд этдим. Аммо энг муҳими ғалаба қозониб кейинги босқичга чиқдик. Рақиб кучли эди, биз мухлисларга ғалаба тақдим этишга уриндик ва бунга эришдик.

- Ўйин қийин ўтди, тўғрими?

- Ҳа, албатта. Айтганимдек рақиб кучли эди. Бундан ташқари бизда чарчоқ аломатлари сезилди.

- Уч кундан сўнг "Тобол" билан ўйин бор.

- Ҳар уч кунда ўйнашга деярли кўникиб кетаяпмиз. Чемпионатда максимал очко тўплашимиз керак. Кучли олтиликда бу ас қотади.

- Жамоа учун Қайси чемпионат муҳим - Қозоғистон чемпионати, Қозоғистон кубоги ёки Европа лигаси?

- Менимча барчаси. Ўзимиз иштирок этаётган барча мусобақада имкон қадар узоқроққа бориш ва ғолиб чиқишга уринамиз.

- Европа лигасидаги навбатдаги рақиб ҳақида нима биласиз?

- Тўғрисини айтсам ҳеч нима билмайман. Сабаби айни пайтга қадар бизни ҳаёлимизда мана шу рақиб тўсиғидан қандай ўтиб олиш бўлди. Мана энди эртадан кейинги рақибни ўрганишни бошлаймиз.
Rating:    

Comments

< show latest news
������.�������

Press "Like"
to read CA at facebook