05 jun 21:15
News

Сергей Лушан: "Янги жамоа қурамиз"

"Бунёдкор" - "Нефтчи" учрашувидан кейинги матбуот анжуманининг иккинчи қисмида мезбонлар янги бош мураббийи иштирок этди.
"Бир сўз билан қийин бўлди. Ўйин сўнггида гол ўтказиб ғалабасиз қолиш афсусланарли. Янги жамоа қурамиз, янги ўйин услубларини яратамиз. Ҳали ишларимиз жуда кўп", - деб гап бошлади Лушан.

"Биринчи давра охирига қадар яхши натижа кўрсатишга ҳаракат қиламиз. Таркибимизда бир қатор тажрибали футболчилар бор".

"Симоненко ва Сато Минори олий лиганинг савиясидаги ўйинчилар деб ҳисобламайман. Легионер кучли бўлиши керак. Ҳозирча фақат битта машғулот ўтказдик. Шу боис балки улар ўзларини лойиқ эканликларини намойиш этишлари мумкин. Иш энди бошланди".

"Воҳид Шодиев захирада қолди. У машғулотларда бироз қийналди. Шу боис Бердиев ва Шодиевдан бирини танладим. Аюповнинг ўйинларини кузатиб бораман. Бугун ўз майдонимиздаги илк ўйинда тушди ва гол урди. Ўтган сафар ҳам тўп киритганди".

"Ёзда янги кучли футболчилар сотиб олинади, бу борада раҳбарият менга ваъда берди. Шу билан бирга ёшларимизга ҳам эътибор қаратамиз. Масалан, Аюпов ўзини кўрсата олди".
Rating:    

Comments

< show latest news
������.�������

Press "Like"
to read CA at facebook