UZ

Сўнгги янгиликлар

13 янв 10:54
Янгиликлар

Сардор Мирзаев: "Гол уришимизни сезгандим"

Кеча U-22 олимпия терма жамоамиз осиё чемпионатида Хитой устидан иродалаи ғалабага эришиб, халқимизга бир олам қувонч улашди.
Тўғри, бутун ўйин давомида устунлик йигитларимизда бўлди дея олмаймиз, лекин энг асосийси турнир биз учун омадли бошланди ва табиийки уч очко ўз ҳисобимизга ёздириб қўйдик. Ўйинга захирадан қўшилган Сардор Мирзаев ҳужумкорликни ошишига салмоқли ҳисса қўша олди. Шу боис баҳс поёнига етгач, Мирзаевдан блиц интервью олдик.

- Сардор, аввало қўлга киритилган ғалаба билан табриклаймиз. Учрашув ҳақида қандай фикрдасиз?
- Табрик учун раҳмат. Ўзингиз ҳам кўрган бўлсангиз керак, учрашув жуда қийин кечди. Турнирни ғалаба билан бошлаш иштиёқи бизда кучли эди. Шунинг учун ўйин охирига қадар астойдил курашдик. Гувоҳи бўлганингиздек, якунда иродали ғалабага эришдик. Бундан ҳозир жуда хурсандмиз. Бутун Ўзбекистон халқига кейинги баҳсларда ҳам мана шундай хурсандчилик тақдим этишга, бор кучимиз билан харакат қиламиз.

- Аслида Хитойдан қандай ўйин кутгандинглар?
- Бу жамоа оддий рақиб эмаслигини олдиндан билардик. Лекин жисмоний тайёргарликни инобатга олмаганда, улардан ҳар томонлама устун эдик.

- Захирадан майдонга тушаётганингизда бош мураббий қандай кўрсатма берганди?

- Энг аввало ҳужум ташкил этишда ёрдам беришим кераклигини уқтирганди. Қолаверса ҳимояга ўтиб ҳам ўйнашим муҳимлигини таъкидлади.

- Учрашувга захирадан қўшилишингиз бу олдиндан режалаштирилган тактик схема эдими ёки бошқа сабаби борми?
- Йўқ буни тактика деб бўлмайди. Мураббий шуни хоҳлади. Балки бу унинг олдиндан қилинган режасидир. Лекин мен учун қайси вақтда майдонга тушиш у қадар муҳим эмас. Асосийси ватан жамоаси учун 1 дақиқа ўйнасам ҳам, бор кучим билан харакат қилиб, фойдам тегишини истайман.

- Айнан ниманинг эвазига Хитойни мағлуб этдик деб ҳисоблайсиз?
- Бизни йигитларда класс деган нарса кучли. Айнан шуни ҳисобига иродали ғалабага эришдик.

- Фақат очиғини айтинг, 0:1 ҳисобида ютқазаётган пайтда, уни ғалабага айлантириб юборишингларга қанчалик ишонгандиз?
- Шахсан мен майдонга чиқаётганимда гол уришимизни хис қилдим. Ғалаба ёки бошқа нарсаларни сезмадим.

- Сизнингча, терма жамоамиз сафида энг яхши ўйин кўрсатган футболчи ким бўлди?
- Ғалаба бутун жамоаники. Бунда бирор-бир шахсни аълоҳида кўрсатиб ўтиш қийин. Майдонда тўп тепган ўйинчилардан тортиб, захирадаги футболчилар ва мураббий штабининг хисса бор деб биламан.

Исломбек Рустамбеков суҳбатлашди.
Рейтинг:    

Фикрлар

< сўнгги янгиликларни кўриш

Энг яхшилар

20-сониядаги гол ёхуд "Локомотив" - "Ал Аҳли" 2:0
Осиё чемпионлар лигаси 2-туридан ўрин олган "Локомотив" -... 189
"Барселона" Мадридда ғолиб
Испания чемпионати доирасидаги "Атлетико" –... 148
Испания. "Реал Мадрид" 0:2 ҳисобини ғалабага айлантирди
Испания чемпионати доирасидаги "Вильярреал" – "Реал... 120
Златан «Манчестер Юнайтед»га Англия лига кубогини олиб берди
Англия лига кубоги финалида «Манчестер Юнайтед» «Саутгемптон»дан... 64
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: