UZ

Сўнгги янгиликлар

20:23“Металлург” Туркия йиғинини якунлади0 20:22Пол Скоулз: "Челси" ва МЮ айни пайтда Англиянинг энг кучли клублари"0 20:15"Ал Таавон" - "Локомотив". МАТНЛИ ТРАНСЛЯЦИЯ32 20:02Бартомеу: "Луис Энрике билан шартномани узайтиришни хоҳлаймиз"3 19:42"Шальке-04" Евгений Коноплянкани "Севилья"дан сотиб олмоқчи0 19:22Поль Погба: "Жамоага максимум ёрдам беришга интиламан"2 19:01Миралем Пьянич "Порту"га қарши ўйнамаслиги мумкин0 18:45Футболчилар ижтимоий тармоқларда22 18:35ОЧЛ-2017. "Истиқлол Хузистон" - "Ал Фатеҳ" 1:09 18:19Olamsport: Истомин рейтингда кўтарилди, қиличбозларимиз Осиё чемпионатига жўнаб кетмоқдалар0 18:15Улуғбек Бақоев: “Европалик икки легионер билан музокара олиб борилмоқда”32 18:14Мата: "Мавсумдаги иккинчи совринни қўлга киритиб, ЕЛнинг кейинги босқичига йўл оламиз деган умиддаман"7 18:11ФОТОГАЛЕРЕЯ. "Бухоро" - "Сўғдиёна" - 2:18 17:45Бакка Хитой клуби таклифини рад этди1 17:11Акинфеев: "Пул туфайли Хитойга кетмаган бўлардим"16

08 окт 18:25
Янгиликлар

Ўзбекистон U-19’нинг Непалга қарши таркиби маълум

Ўзбекистон U-19 ёшлар терма жамоаси 8 октябрь, сешанба куни 2014 йилги Осиё чемпионати “А” саралаш гуруҳи 3-тур учрашувлари доирасида Непал ёшларига қарши майдонга тушади.
Ушбу учрашув Алексей Евстафеев шогирдлари учун саралаш баҳсларидаги иккинчи баҳс, Непал учун эса учинчи ўйиндир. Бунгача Ўзбекистон ёшлари Туркманистон устидан 1:0 ҳисобида ғалаба қозонишган бўлса, Непал футболчилари Туркманистон ва Ҳиндистонга қарши кечган дастлабки икки ўйинда мағлубиятга учрашди.

Аввалги ўйинлар
Ўзбекистон U-19 ёшлар терма жамоаси саралаш баҳсларида бунгача уч марта Непалга қарши майдонга тушиб, барча учрашувларда ғалаба қозонган. Жамоаларнинг дастлабки ўйини 1998 йили, Бағдодда ўтган саралаш баҳсларида қайд этилган бўлиб, ўшанда Ўзбекистон ёшлари 7:0 ҳисобида ғалаба қозонган. Жамоаларнинг кейинги ўйинлари ОЧ-2002 ва ОЧ-2008 саралашлари доирасида Тошкентда ўтказилган. Дастлабки ўйинда Виктор Борисов шогирдлари 12:0 ҳисобида ғалаба қозонган бўлишса, кейинги ўйинда Аҳмаджон Убайдуллаев шогирдлари ҳужумчи Кенжа Тўраевнин ягона голи эвазига рақибни таслим этишган.

Ўзбекистон ва Непал терма жамоалари U-19дан бошқа ёш тоифаларида ҳам авваллари тўқнаш келишган. Жумладан, Ўзбекистон U-16 ўсмирлар терма жамоаси икки марта – ўсмирлар ўртасидаги 2000 ва 2006 йилги Осиё чемпионати саралаш баҳсларида Непалга қарши тўп сурган. Бахтга қарши, ҳар иккиси Непал пойтахти Катманду шаҳрида ўтган ўйинлар ўзбекистонлик ўсмирлар учун муваффақиятсиз якунига етган. ОЧ-2000 саралашида Ўзбекистон ўсмирлари Непалга 0:3 ҳисобида мағлубиятга учраган бўлса, орадан беш йил ўтиб 0:2 ҳисобида имкониятни бой берган.

Қизиқарли маълумот сифатида, Ўзбекистон U-19 ёшлар терма жамоаси бош мураббийи Алексей Евстафеев 7 октябрдаги ўйин Непалга қарши фаолиятидаги биринчи тўқнашув эмас. Евстафеев 2012 йили U-22 ёшлар термаси устози сифатида Катмандуда Непал ёшларига қарши чиқиб, Шоҳруҳ Гадоев ва Темурхўжа Абдухолиқовнинг дубллари эвазига 4:2 ҳисобида ғалаба қозонган эди.

Бугунги ўйин
Ўзбекистон U-19 ёшлар терма жамоасининг Непалга қарши майдонга тушадиган таркиби Туркманистон билан ўйиндагига нисбатан фарқ қилади. Жумладан, ўтган учрашувда захирадан майдонга тушган ўнг қанот ҳимоячиси Достонбек Турсунов бу сафар асосий таркибда майдонга тушади. Шунингдек, ярим ҳимоячилар Сардорбек Азимов ва Нажмиддин Нормуродов, ҳужумчи Забиҳилло Ўринбоев ҳам бугун биринчи марта саралаш баҳсларида майдонга тушишади.

Ўзбекистон U-19 ва Непал U-19 ўртасидаги саралаш учрашуви Тошкент вақти билан 18:30да бошланади. Ўзбекистон оқ либос, Непал қизил рангли либосда ҳаракат қилади. Унда Ўзбекистон ёшлар терма жамоаси қуйидаги таркибда майдонга тушади:

ЎЗБЕКИСТОН U-19: 12. Шерзодбек Абдураимов, 2. Азизбек Мамазоитов, 3. Аббосжон Отахонов, 7. Сардорбек Азимов, 10. Элдор Шомуродов, 13. Бобур Давлатов, 14. Меҳрож Ғуломов, 16. Нажмиддин Нормуродов, 17. Дурбек Камолов, 19. Забиҳилло Ўринбоев, 33. Достонбек Турсунов.
Рейтинг:    

Фикрлар

< сўнгги янгиликларни кўриш

Энг яхшилар

Габулов: "Пахтакор" юқори даражали клуб эмас"
Туланинг "Арсенал" клуби посбони Владимир Габулов... 75
“Astana Arlans” - “Uzbek Tigers” 4:1. Жамоамиз кетма-кет иккинчи мағлубиятни қабул қилиб олди
WSB турнири ғолиблиги учун асосий даъвогар бўлган Қозоғистоннинг... 66
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: