04 oct 18:15
News

Мурод Исмоилов: "Осиё чемпионлар лигасига йўлланма олиш учун имкониятимиз ошди"

Бугун бўлиб ўтган "Локомотив" - "Пахтакор" (0:1) учрашувидан сўнг ҳар икки жамоа бош мураббийлари матбуот анжуманида иштирок этишди.
Дастлаб меҳмонлар бош мураббийи Мурод Исмоилов журналистлар саволларига жавоб қайтарди.

"Бугунги ўйин кутилганидек шиддатли бўлди. Икки кучли жамоа бир-бирига рўбару бўлди. Биринчи бўлимда чиройли ўйин кўрсатиб гол урдик ва иккинчи бўлимда ҳисобни ушлаб қолиш учун ҳаракат қилдик. Иккинчи бўлимда қарши ҳужумга таяндик. Йигитиларга раҳмат айтаман. Мухлисларни хурсанд қилдик", - деб гап бошлади Мурод Исмоилов.

- "Сўғдиёна" билан ўйиндан сўнг психологик ғалаба руҳи кўтарилмоқдами?

- Бу нарсани кўп нарсалар билан боғлашимиз мумкин. Мен шунга ишондимки бугун жамоамизда катта руҳни кўрдим. Озгина қийинчиликларимиз бор эди ва у масалалар ечилди. Машғулотларда мана шулар тушунтирилди. Мана шундай жамоам борлигидан фахрланаман.

- Жамоанинг бир текис ўйин намойиш эта олмаётгандек. ОЧЛга умид пайдо бўлдими? Шундай ният борми?

- Ўз-ўзидан йигитлар кўзида Осиё чемпионлар лигаси йўлланмасига умид пайдо бўлди. Улар ёш ва кўзи ёниб турибди. Шуни йигитларга сингдирамиз. Охиригача курашишга мажбурмиз. “Насаф” билан ўйингача элликка-эллик бўлса энди имкониятимиз жуда ошди. Энди қисқа таътил бўлади. Самарқанддаги ўйинга яхши руҳ билан бормоқчимиз.

- Акбар Исматуллаевни соғлиғи борасида қандай фикрдасиз?

- Ҳали аниқ қарор чиқмаган ва жароҳати яна қайталаган кўринади.
Rating:    

Comments

< show latest news
������.�������

Press "Like"
to read CA at facebook