Latest news

04 sep 20:08
News

Кака "Реал" мухлисларига нома йўллади

"Милан"га яқиндагина қайтган Кака очиқ мактуб орқали "Реал" мухлислари билан хайрлашди.

Эслатиб ўтамиз, бразилиялик футбол юлдузи трансфер мавсумининг сўнгги кунида "Реал"ни тарк этиб, ўзи юлдуз даражасига кўтарилгани "Милан" клубига келиб қўшилди.

"Ҳурматли "Реал" мухлислари! Тўрт мавсум давомида мен "Реал" шарафини ҳимоя қилиш учун меҳнат қилдим. Бу йиллар давомида мен учта совринни ютишга эришдим. Ушбу клубга алоқадор бўлган ва бўлмаган инсонлар томонидан менга нисбатан берилган мехрни доим ҳис қилиб юрдим ва бундан завқ олдим".  

"Милан"га қайтиш, бу - ҳаётимнинг янги саҳифаси. Бироқ мен доимо қалбимда Испаниядаги ўша шонли онларни сақлаб юраман. Ишонинг, мен жамоа учун қўлимдан келган барча ишни қилдим". 

"Мен учун "Реал"дек буюк клубнинг бир қисми бўлганим катта шараф. У ердаги вақтим, ҳаётимнинг энг яхши даврларидан биридир. Ҳаттоки, баъзан жуда қийин вазиятларга дуч келган бўлсам ҳам".

"Барчаси учун "Реал Мадрид" мухлисларига, жамоадошларимга, мураббийларга ва клубнинг барча ҳодимларига ҳамда Флорентино Пересга ўз миннатдорчилигимни билдирмоқчиман". 

"Ҳаммага катта рахмат ва Hala Madrid!", деб ёзади Кака.

Rating:    

Comments

< show latest news
������.�������

Press "Like"
to read CA at facebook