12 jul 17:19
News

Ильдар Магдеев яна олий лигага қайтиши мумкин

Ўз вақтида Пахтакор таркибида кўп йиллар тўп сурган ва бир қатор ютуқларга эришган Ильдар Магдеевни миллионлар ўйинидаги футболчиларнинг асосий душмани бўлмиш, жароҳат қийнаб юборди десак муболаға бўлмайди.

Бошидан қатор оғир жароҳатларни ўтказган футболчи энди спорт формасини тиклаб, ўзини кўрсата бошлаганда, яна жароҳатга йўлиқмоқда. Кўп вақтини майдон ташқарисида, даволаниш билан ўтказишига тўғри келган Ильдарнинг табиийки футболчилик фаолиятида ҳам кескин пасайиш юзага келди. Мамлакатимиздаги турли ёшдаги ва миллий терма жамоамизда кўплаб учрашувларнни ўтказган футболчи бугунги кунда Оқ-тепа шарафини ҳимоя қилмоқда. Биринчи лига аъзоси бўлган ушбу жамоада ҳам Магдеев ўзини тўлиқ кўрсатишга қийналмоқда. Сабаби бу йил ҳам жароҳат 29 ёшли футболчини қийнади. Оқ-тепанинг охирги турларда ўтказган баҳсларида Ильдар Магдеевни учратмадик. Тасдиқланмаган хабарларга кўра, футболчи айни пайтдаги жамоаси билан хайрлашишни ўйлаб турибди.

Магдеевга олий лиганинг бир иккита жамоаларидан чорловлар бўлаётгани хусусида ҳам маълумотлар бор. Шунинг учун футболчи иккинчи даврани олий лигада ўтказишни мақсад қилган бўлса ажаб эмас.

Исломбек Рустамбеков.

Rating:    

Comments

< show latest news
������.�������

Press "Like"
to read CA at facebook