06 may 14:19
News

Футзал. Вьетнам-2014. Япония - Таиланд учрашуви олдидан

Шу кунларда Вьетнамнинг Хо Ши Мин шаҳрида ўтаётган футзал бўйича Осиё чемпионатининг гуруҳ босқичи ўйинларига 5 май куни якун ясалди.
Ушбу босқич якунларига кўра, чорак финалга “А” гуруҳидан Қувайт ва Вьетнам, “В” гуруҳидан Эрон ва Австралия, “С” гуруҳидан Таиланд ва Ливан ҳамда “D” гуруҳидан Ўзбекистон ва Япония терма жамоалари йўл олишди.

7 май куни бўлиб ўтадиган чорак финал босқичида Қувайт – Австралия, Таиланд – Япония, Эрон – Вьетнам ва Ўзбекистон – Ливан учрашувлари бўлиб ўтади. Мазкур учрашувлардан бир кун олдин, чорак финалда иштирок этадиган барча терма жамоа бош мураббийлари иштирокида матбуот анжумани ўтказилди.

Қуйида Таиланд ва Япония терма жамоалари бош мураббийлари билдириб ўтган фикрлар келтирилган:

Виктор Херманс (Голландия) – Таиланд терма жамоаси бош мураббийи:

- Биз чорак финалга йўл олганимиздан жудаям бахтиёрмиз, аммо рақибимиз Япония бўлганидан ҳафамиз. Бу жамоага қарши тўп суриш ниҳоятда қийин. Икки йил олдин Дубайда бўлиб ўтган финал учрашувида биз айнан Японияга мағлуб бўлганмиз. Ўша ўйиндаги ҳисобни эслатишни ҳожати йўқ деб ўйлайман (Япония 6:1 ҳисобида ғалаба қозонган). Нима бўлганда ҳам, учрашув биз учун қийин кечади бунга ишончим комил. Албатта, бу сафар Япониядан ўч олишга ҳаракат қиламиз. Шогирдларим буни жуда исташади.

Мигель Родриго – Япония терма жамоаси бош мураббийи:

- Япония терма жамоаси Таиландга қарши яна бир финал учрашувини ўтказиш учун тайёр. Жамоалар бир хил савиядаги ўйинни кўрсатишади. Эртага, тактик ва физик жиҳатдан кучлироқ бўлган терма жамоа ғалаба қозонади. Албатта омад ҳам кўп нарсани хал қила олади. Биз Дубайдаги финал учрашувининг натижасини унутганмиз. Бу тариҳда қолди ва бизга қарши умуман бошқа Таиланд майдонга тушишини яхши биламиз. Ўйлашимча, мухлислар жудаям қизиқ ўйин гувоҳига айланишади. 
Rating:    

Comments

< show latest news

Weekly Best

Арманистонга қарши ўртоқлик ўйини бекор қилинди
Ўзбекистон миллий терма жамоасининг 12 февраль куни Анталия шаҳрида... 168
ФИФАдагилар зерикиб қолишдими? Улар сариқ карточка ва офсайдларни бекор қилишмоқчи
ФИФА техник директори Марко ван Бастен офсайд ва сариқ карточкалардан ... 92
Australian Open. Истомин - Буста - 3:2! Сенсация давом этади!
Мельбурн шаҳрида давом этаётган “Катта Дубулға” туркумидаги Австралия ... 78
"Реал Мадрид" – "Малага". Таркиблар маълум
Испания чемпионати доирасидаги "Реал Мадрид" –... 46
������.�������

Press "Like"
to read CA at facebook