Дилшод Жўраев: "Уммонда муносиб иштирок эта оламиз"

"Уммонда муносиб иштирок эта оламиз. Бизда ҳозир барча шароит бор. Мақсадимиз ҳамма ўйинда ғалаба қозониб бош совринни Ўзбекистонга олиб келмоқчимиз. Жамоамиз бугун йиғилди ва янги йилдан Дубайда машғулотларни олиб борар эканмиз. Ҳозирча ҳаммаси кўнгилдагидек" - дея дастлабки фикрларини билдириб ўтади терма жамоамиз аъзоси Дилшод Жўраев

- Мана шу терма жамоамиз таркиби билан Непалдаги саралашда иштирок этган таркиб орасида қанчалик фарқни кўрдингиз?

Бугун йиғинни бошлаган бўлсак ҳам ҳамма бир бири билан ака-укадек бўлиб кетди. Непалдаги таркибдан бу жамоа анчагина ёшарган. Ёшлар терма жамоамиз анчагина шаклланиб қолган жамоа эди ва буни ўйинларимиз орқали ҳам исботлашимиз керак.

- Агар эътибор берадиган бўлсак айнан мана шу терма жамоамиз Непалдаги иштирокида ўта муваффақиятсиз иштирок этган эди. Буни сабабини нимада баҳолар эдингиз?

Биласизми бизда Непалда умуман шароит йўқ эди. Меҳмонхоналар аҳволи ҳақида гапирмаса ҳам бўлар эди. У ерда биз учун энг катта муоммо бу овқат муоммоси бўлган эди. Ўзимизни пулга кўчадан, дукондан маҳсулот сотиб олиб иштирок этган эдик. Деярли оч қолиб кетган эдик. Шундай бўлишига қарамай чиқишни уддалаган эдик.

Ҳумоюн Давуров суҳбатлашди