"Чуст-Пахтакор" Гайни ўрнига Абдиевни олиб келди

Чуст жамоасининг янги бош мураббийи 1973 йили Самарқандда туғилган. Оғир жарохатга дуч келган Абдиевнинг футболчилик фаолияти узоқ дам этмаган. Шу боис мураббийликка эртароқ кириб келган. Гарчи Хайрулла Абдиев самарқандлик бўлсада, асосан водий ёки пойтахт клубарида ишлаб келмоқда. Бу мураббий охирги йилларда "Янгиер"ни бошқараётганди. Чуст-Пахтакордан ўзи учун қулай таклиф олган Абдиев бугун янги жамоасидаги илк машғулотини ўтказади.

Дарвоқе, жамоа раҳбариятининг маълум қилишича, биринчи босқичда "Чуст-Пахтакор" шарафини ҳимоя қилган айрми ўйинчилар жамоани тарк этишган. Хусусан Фарҳод Усмонов "НБУ-Осиё"да кўрикдан ўтаётган бўлса, қашқадарёлик Равшан Абдувоҳидов "Шўртан" машғулотларида иштирок этмоқда. Шунингдек ҳимоячи Сарвар Отабоев ҳам катта эхтимол билан иккинчи даврани бошқа жамоада ўтказади.

Маълум муддат "Навбаҳор" йиғинида қатнашган Бобур Расулов ва Мирзоҳид Маҳкамов жамоага қайтиб келишган.

Бугунги машғулотдан сўнг, янги бош мураббий қайси чизиқларни кучайтириш кераклиги ҳақида раҳбариятга айтади.

Эслатиб ўтамиз, "Чуст-Пахтакор" иккинчи босқичнинг дастлабки икки турини ўз майдонида "Шердор" ва "Аланга"га қарши ўтказади.

Исломбек Рустамбеков