23 sep 10:45
News

“Бунёдкор” олтинчи бор финалда!

Тошкентнинг “Бунёдкор” футбол клуби ўз тарихида олтинчи бор мамлакат кубоги финалида иштирок этади.

“Қалдирғочлар” бунгача иштирок этишган бешта финалнинг учтасида зафар қучишган. 2008 “Пахтакор”, 2010 “Шўртан” ва 2012 йил “Насаф” жамоалари доғда қолдирилган бўлса, 2007 ва 2009 йилги мавсумларда “Пахтакор” жамоасига имконият бой берилган.

Айни дамда жамоамизда бўлган футболчилардан тезкор ярим ҳимоячи Жасур Ҳасанов “Бунёдкор” билан тўртта финалда қатнашган. Фақатгина у 2010 йил “қалдирғочлар” сафида бўлмаганлиги боис “Шўртан”га қарши баҳсда иштирок эта олмаган. Хайрулла Каримов ва Саҳоб Жўраев “Бунёдкор” таркибида бунгача уч маротаба кубокнинг ҳал қилувчи ўйинларида ҳаракат қилишган.

Ўтган йилги Ўзбекистон кубоги финалида ҳам “Бунёдкор”га айнан Қаршининг “Насаф” жамоаси рақиблик қилганди. Бироқ ўйинда катта ташаббусга эга бўлган Миржалол Қосимов шогирдлари “аждарлар” дарвозасига жавобсиз учта тўп киритишиб, бош совринга эга чиқишган эди.

Эслатиб ўтамиз, “Бунёдкор” ва “Насаф” жамоалари ўртасида кечадиган Ўзбекистон кубоги финал баҳси 25 сентябрь куни “Пахтакор” марказий стадионида соат 18:00да бошланади.

Rating:    

Comments

< show latest news
������.�������

Press "Like"
to read CA at facebook