"Астана"даги ўзбеклар кимлар бўлади?

Бугун "СА" офисига ташриф буюрган мураббий мазкур саволимизга жавоб берди.

"Яқинда жамоа билан танишаман. Ўзбекистондан ўзимга таниш бўлган футболчилар ичида Александр Гейнрих билан Ислом Тўхтахўжаевни кенгайтирилган таркибимга киритганман. Гейнрих улар ичида биринчи ўринда турибди. Бу футболчи доим ҳам ўз имкониятини тўлиқ ишга солмайди. Ўзбекистон терма жамоасини бошқарганимда у энг зўр ўйинчиларимдан бири эди. "Актобе" у билан шартномасини узайтирмас экан, мен уни жамоамизга қабул қилишга тайёрман. Яна легионерлар бўладими? Аввало маҳаллий футболчилар билан яқиндан танишишим керак. Легионер футболчини ҳар доим топса бўлади. Аммо мақсад "Астана"ни ривожлантириш экан, аввало қозоғистонлик футболчиларга эътибор қаратишим керак деб ўйлайман. Қолаверса улар Қозоғистон терма жамоаси учун ҳам асқотишлари мумкин", - дейди Вадим Карленович.