АПЛ: 14-тур превьюси

АРСЕНАЛ : ХАЛЛ СИТИ

Мавсумнинг учдан бир қисми деяли ўтиб бўлди. Чоршанба оқшомида ўз майдонида “Халл Сити”ни қабул қиладиган “Арсенал” айни вақтда ўзининг энг яқин таъқибчисини тўрт очкога ортда қолдирган ҳолда турнир жадвалида пешқадамлик қилмоқда. Бу ўйинда ҳар қандай натижа қайд этилишидан қатъий назар “канонирлар” биринчи поғонани бу турда ҳам сақлаб қолишлари аниқ. Катта эҳтимолки, улар бу ўйиндан кейин очколари сонини 34тага етказиб олишади. Ҳар холда букмейкерлар, гарчи ўтган турда “Ливерпуль”ни енгган бўлсада “Халл Сити” ғалабасини 12/1 дея, ўта паст баҳолашмоқда.

Ушбу ўйинда Арсен Венгер таркибни кейинги учрашувларга ҳам тетик ҳолда олиб бориш мақсадида бир неча ротацияга йўл қўйса керак. Бир неча ўйиндан буён жароҳатини тиклаб, оптимал формага чиқишга улгурмаган асосий таркибга киритган Тео Уолкотт дастлабки дақиқаларданоқ майдонга тушса керак. Шунингдек, Томаш Росицки ва Жек Уилшерлар ҳам бу сафар асосий таркибдар ўрин олиши катта эҳтимол.

“Халл Сити” Премьер-лигада ўзининг меҳмондаги 30 ўйинидан фақатгина биттасидагина ғалаба қозонгани, унинг бу ўйиндаги имкониятлари ҳаминқадар эканини кўрсатиб туради. Сўнгги турда “Ливерпуль”ни ютди-ку дейсизми? Ўз уйида ҳар бир инглиз клуби исталгар рақибни қийнай олади.

“СА” тахмини: “Арсенал” 70 % - 30 % “Халл Сити”

ЛИВЕРПУЛЬ : НОРВИЧ

Бренден Рожерс шогирдлари бу ўйинда очко йўқотилишига асло йўл қўя олмасликлари тушунарли. Мавсумни кутилганидан ҳам анча кучлироқ бошлаган буюк “Битлз” гуруҳи ҳамшахарлари сўнгги икки турда фақатгина бир очко ишлай билди. Ўтган турнинг ҳақиқий сенсацияси ҳам айнан Суарес ва унинг жамоадошларининг мағлуб бўлишгани бўлди. “Ливерпуль”да шунақа ғалати тенденция анчадан буён бор. Кулчи клубларга қарши ўйинларга шу қадар кучли чоғланиш билан тушишади ва ғалабаларни қўлга киритади. Камида катта бош оғриқ яратади грандларга. Бироқ ортиқча қийинчиликсиз қўлга киритилиши бўлган уч очколарга ҳар доим ҳам эга чиқа олишмайди. Бу кеча ёки бугун пайдо бўлиб қолган муаммо эмас. Ўйинга ўзини руҳан тайёрлаш борасида “Қизиллар” анчагина иш олиб боришлари керак.

“Норвич”га қарши ўйинда ҳам, ўтган турда бўлгани каби Старриж майдонга тушмайди. Жароҳатидан ҳалос бўлиб улгурмади ҳали.

Бироқ шунай бўлсада, яқиндагина турнир жадвалининг иккинчи поғонасида бораётган Рожерс шогирдлари, яна пешқадамлардан бирига айланиш истагида, катта мотивация билан ҳаракат қилишлари ва “Энфилд”нинг фантастик қўллаб-қувватлашини ҳисобга олиб, “Ливерпул”нинг ишончли ғалабасини тахмин қилса бўлади.

“СА” тахмини: “Ливерпуль” 65% - 35% “Норвич”

МАНЧЕСТЕР ЮНАЙТЕД : ЭВЕРТОН

Турнинг энг қизиқарли кечиши кутилаётган учрашув. “Манчестер Юнайтед” ва “Эвертон” учун ҳам умумий бўлган номлар жуда кўп тилга олинадиган ўйин бу. Дэвид Мойес узоқ йиллар давомида бошқарган жамоасига қарши “қизил иблислар”ни жангга олиб тушади. “Эвертон” мухлислари томонидан доимо хуштакбозлик ва увиллашлар билан кутиб олинадиган, “Эвертон” тарбияланувчиси Уэйн Руни яна бир бор Ливерпульнинг кўк қисмини ҳафа қилишга уринадиган бахснинг гувоҳи бўламиз.

“Эвертон” ушбу мавсумда янги бош мураббий Роберто Мартинес билан Мойес давридагидан ҳам яхшироқ, томошабопроқ, жозибалироқ ўйинлар намойиш этаётганини таъкидлаб ўтиш лозим. Жамоа ҳозирда турнинг жадвалининг бешинчи поғонасида бораётгани бежиз эмас.

“Олд Траффорд”да “МЮ” ўз мухлислари кўз ўнггида ўйнашини ҳисобга олиб, кичик устунликни “қизил иблислар”га бериш мумкин, бизнингча.

“СА” тахмини: “МЮ” 55% - 45%“Эвертон”

САНДЕРЛЕНД : ЧЕЛСИ

Аввалги турда “Саутгемптон”ни 3:1 ҳисобида ғалаба қозониб, турнир жадвалида иккинчи ўирнга кўтарилиб олган “Челси” бу турда “Сандерленд” майдонига сафар қилади. Моуриньо жамоаси жуда қизиқ. Мавсум бошидан буён клубнинг премьер-лигада барча ҳужумчилари урган голларнинг умумий сони - 4та. Это’О иккита, Торрес ва Ба биттадан гол уришган. Қизиғи, клуб ҳимоячилари ҳам айнан шунча гол киритишга мувоффақ бўлишган. Лондонликлар бахтига, жамоа жуда кучли ярим ҳимоя чизиғига эга. Оскар, Лэмпард, Азар каби футболчилар барқарор равишда кучли ўйин намойиш этиш билан бир қаторда, доимий равишда голлар уриб, энг муҳим очколарни олиб беряпти.

“Сандерленд”да эса аҳвол тобора оғирлашиб боряпти. Жамоа оҳиридан иккинчи ўринга мустаҳкам жойлашган. Унинг йиғган очколари ўтказилган ўйинлар сонидан ҳам камроқ. Вазиятни ўнглаш яна бир турга ортга суриладиган кўринади. Зеро “Челси”га “Базел”дан қабул қилиб олинган мағлубиятлар муздек душ вазифасини ўтаб берган кўринади.

Ҳа-я, Мата ҳам майдонга туширила бошланди. Демак, “Сандерленд” кўп нарсага умид қила олмаса керак бу бахсда. Янаям, бу – АПЛ. “Халл Сити” қилган иш такрорланиб қолиш эҳтимоли йўқмас.

“СА” тахмини: “Сандерленд” 30% - 70 % “Челси”

14-тур ўйинлари:

3 декабрь.  КРИСТАЛ ПЭЛАС : ВЕСТ ХЭМ
“СА” тахмини: “Кристал Пэлас” 45% - 55% “Вест Хэм”

4 декабрь.  АРСЕНАЛ : ХАЛЛ СИТИ
“СА” тахмини: “Арсенал” 70 % - 30 % “Халл Сити”

4 декабрь.  ЛИВЕРПУЛЬ : НОРВИЧ
“СА” тахмини: “Ливерпуль” 65% - 35% “Норвич”

4 декабрь.  МАНЧЕСТЕР ЮНАЙТЕД : ЭВЕРТОН
“СА” тахмини: “МЮ” 55% - 45%“Эвертон”

4 декабрь.  САУТГЕМПТОН : АСТОН ВИЛЛА
“СА” тахмини: “Саутгемптон” 60 % –40% “Астон Вилла”

4 декабрь.  СТОК СИТИ : КАРДИФФ СИТИ
“СА” тахмини: “Сток Сити” 50% – 50% “Кардифф”

4 декабрь.  САНДЕРЛЕНД : ЧЕЛСИ
“СА” тахмини: “Сандерленд” 30% - 70 % “Челси”

4 декабрь.  СУОНСИ : НЬЮКАСЛ
“СА” тахмини: “Суонси” 45%–55%“Ньюкасл”

4 декабрь.  ВЕСТ БРОМВИЧ : МАНЧЕСТЕР СИТИ
“СА” тахмини: “Вест Бромвич” 45%–55%“Сан.Сити”

Турнир жадвали:

#	Жамоа	Ў	Ю	Д	М	УГ - ЎГ	Т-Н	Очк
1	Arsenal	13	10	1	2	27 - 10	17	31
2	Chelsea	13	8	3	2	24 - 11	13	27
3	Manchester City	13	8	1	4	37 - 12	25	25
4	Liverpool	13	7	3	3	25 - 16	9	24
5	Everton	13	6	6	1	21 - 13	8	24
6	Newcastle United	13	7	2	4	19 - 18	1	23
7	Southampton	13	6	4	3	16 - 10	6	22
8	Manchester United	13	6	4	3	22 - 17	5	22
9	Tottenham Hotspur	13	6	3	4	11 - 14	-3	21
10	Hull City	13	5	2	6	12 - 16	-4	17
11	Aston Villa	13	4	4	5	13 - 14	-1	16
12	West Bromwich Albion	13	3	6	4	15 - 16	-1	15
13	Swansea City	13	4	3	6	17 - 19	-2	15
14	Norwich City	13	4	2	7	11 - 23	-12	14
15	West Ham United	13	3	4	6	12 - 14	-2	13
16	Stoke City	13	3	4	6	12 - 18	-6	13
17	Cardiff City	13	3	4	6	11 - 20	-9	13
18	Fulham	13	3	1	9	11 - 24	-13	10
19	Sunderland	13	2	2	9	8 - 24	-16	8
20	Crystal Palace	13	2	1	10	7 - 22	-15	7

Аброр ҚОДИРОВ тайёрлади