Забиҳилло Ўринбоев - Осиё чемпионати U-19 тўпурари
23 окт 2014 21:22
Янгиликлар

Забиҳилло Ўринбоев - Осиё чемпионати U-19 тўпурари

Бугун Мьянма давлати мезбонлик қилган U-19 Осиё чемпионати ўз ниҳоясига етди.

Финалда Қатар ёшлари КХДР устидан 1:0 ҳисобида ғалабага эришиб чемпион бўлишди.

Ўзбекистон ёшлар терма жамоаси ярим финалга қадар етиб келиб ЖЧ-2015 йўлланмасига эга чиққанидан хабарингиз бор.

Терма жамоамиз ҳужумчиси Забиҳилло Ўринбоев мусобақа давомида 5та гол уриб тўпурарлардан бирига айланди. Қатарлик Аҳмад Ал Саади ва КХДР вакили Жо Кванг Мьёнг ҳисобида ҳам 5тадан гол мавжуд.

Маълумот учун, 2012 йил БААда бўлиб ўтган U-19 Осиё чемпионатида 7та гол урган Игорь Сергеев тўпурарга айланган эди.

Ҳавола :

Манба : championat.asia

Янгиликларни Телеграмда ўқинг!

Рейтинг: