"Ювентус"га гол урган Паццини: "Нуқтага қўяётганимда тўпнинг бунчалик оғир бўлишини билмагандим"
09 фев 2020 11:11
Янгиликлар

"Ювентус"га гол урган Паццини: "Нуқтага қўяётганимда тўпнинг бунчалик оғир бўлишини билмагандим"

"Верона" форварди Жампаоло Паццини А Сериянинг 23-тури доирасида "Ювентус"га қарши ўйин ҳақидаги фикрларини билдирди.

У ушбу ўйинда пенальтидан гол уриб, жамоасининг ғалабасини таъминлаганди.

"Стадиондаги бўлган воқеаларни кўриб, шунга амин бўлдимки, бутун бир шаҳар ушбу ғалабага лойиқ эди.
8 кун ичида 3та ўйин ўтказдик ва яхшигина очко жамғардик ("Милан" ва "Лацио"га қарши ўйинларда 2, "Ювентус"га қарши ўйинда 3 очко). Шу боисдан жамоани табрикласам ҳам бўлади.
Балки жуда кам инсон бизнинг ушбу ўйинларда омадли ўйин кўрсатишимизни тахмин қилгандир. Аммо коллективимиз анчагина аҳил ва иноқ. Ҳатто захирада қоладиган футболчилар ҳам бизга катта ёрдам беради. Бирдам бўлиш - асосийси.
Машғулотларда пенальтиларни жуда кўп тепардим. Аммо ўйиндагиси барибир ўзгача ҳиссиёт беради. Тўпни нуқтага қўяётганимда тўпнинг бунчалик оғир бўлишини билмагандим. Буни тан оламан", - деди Паццини.

Ҳавола :

Манба : DAZN

Янгиликларни Телеграмда ўқинг!

Рейтинг: +9