Ёрқин Назаров: "Бугун яхши ўйин кўрсата олмадик, рақиб кучлилик қилди"
28 сен 2023 23:08
Янгиликлар

Ёрқин Назаров: "Бугун яхши ўйин кўрсата олмадик, рақиб кучлилик қилди"

Coca Cola Суперлигаси 20-туридан ўрин олган "Навбаҳор" – "Турон" (5:0) учрашувидан сўнг меҳмонлар бош мураббийи Ёрқин Назаров матбуот анжуманида иштирок этди.

"Авваламбор, "Навбаҳор"ни ғалаба билан табриклайман. Жамоанинг кейинги ўйинларида омад тилайман. Ўйин тўғрисида гапирадиган бўлсам, наманганликлар биздан кучли эканлиги аён эди. Улар чемпионлик учун, биз эса Суперлигада жон сақлаб қолиш учун курашяпмиз. Бугун яхши ўйин кўрсата олмадик, рақиб кучлилик қилди. Ўйлашимча, ҳакам Суперлига даражасидаги ишлайдиган тоифада эмасди", деди яйпанликлар устози.