Яқин соатларда БАА терма жамоасининг янги бош мураббийи эълон қилиниши кутилмоқда
17 апр 13:44
Янгиликлар

Яқин соатларда БАА терма жамоасининг янги бош мураббийи эълон қилиниши кутилмоқда

Хабарингиз бор, ЖЧ-2026 саралаш босқичи доирасидаги БАА - КХДР учрашувидан сўнг амирликларнинг португалиялик устози Паулу Бенту истеъфога чиқарилган эди.

БААнинг футболга оид турли манбаларининг ёзишича, яқин соатларда мамлакат футбол федерацияси руминиялик мутахассис Космин Олариуни терма жамоа устози сифатида эълон қилиши кутилмоқда.

55 ёшли мутахассис фаолияти давомида Саудия Арабистони терма жамоаси, "Ал Ҳилол", "Ал Аин", "Шабаб Ал Аҳли" жамоаларида фаолият олиб борган. Айни пайтда эса "Шаржа" жамоасини бошқармоқда.

Жамоа жаҳон чемпионати саралаш босқичи "А" гуруҳида БАА термаси 8 ўйиндан сўнг 13 очко жамғарган ҳолда 3-ўринда бормоқда. Амирликлар навбатдаги учрашувни 5 июнь куни ўз майдонида Ўзбекистонга қарши ўтказади, сўнгра Қирғиз Республикасига сафар уюштиради.

Ҳавола :

Манба : Championat.asia

Янгиликларни Телеграмда ўқинг!

Рейтинг: +4