Хуан Гирадо: "Филиппин халқи биз билан фахрланса арзийди"
25 мар 2016 13:44
Янгиликлар

Хуан Гирадо: "Филиппин халқи биз билан фахрланса арзийди"

Ўзбекистон - Филиппин ўртасидаги баҳсдан сўнг меҳмонлар сардори Хуан Гирадо ўз фикрларини билдирди.

- Ўзбекистонга хуш келибсиз. Ўйиндан кейинги таассуротларингиз билан ўртоқлашсангиз.
- Менимча барча филиппинликлар биздан фахрланса бўлади. Бу ўйинда қўлимиздан келганча ўйнадик. Ўйин жуда оғир бўлди. Ҳамма нарса бизга қарши бўлгандек. 10 дақиқадан сўнг бир киши кам ўйнадик. Барчага маълумки бў икки карра кўпроқ ҳаракат қилиш керак дегани. 1та гол бу биз учун ҳеч нарса эмас, аммо биз 3 очкони йўқотдик.

- Кейинги ўйинга тайёргарлик ҳақида нима дейсиз? Балки тактикани ўзгартириш керакдир?
- Бизнинг кейинги ўйинимиз КХДР билан ва биз ушбу баҳсга кучли тайёргарлик кўришимиз керак. Жароҳат олган бир қанча футболчиларимиз сафга қайтишга тайёр ва биз кейинги ўйинга 100 фоиз тайёр бўламиз деган умиддаман. Ҳозир эса бизни узоқ йўл кутаяпти.

Дилдора Холбаева суҳбатлашди