"Вольфсбург": Де Брюйне келса Ку Жа Чол кетади

Бельгиялик футболчи сотиб олинаётгани боис "Вольфсбург" раҳбарияти Корея терма жамоаси аъзоси Ку Жа Чолга чиқиш эшикларини кўрсатмоқчи.
 
"Вольфсбург" раҳбарияти осиёлик футболчининг ўйинларидан қониқиш ҳосил қилаётгани йўқ. Шу боисдан ҳам де Брюйнени сотиб олмоқда. Демак, қитъадошимиз яқин кунларда "Вольфсбург"дан кетади.

Аммо Жа Чол узоқ вақт ишсиз қолиб кетмайдиган кўринади. Боиси унинг ҳизматларига бир қатор бундеслига жамоалари эхтиёж сезишмоқда. "Фрайбург", "Аугсбург" ва "Айнтрахт Ф" жамоалари Жа Чолни ўз таркибларига қўшиб олишни кўзлашмоқда. Манбада айтилишича, ушбу клублар орасида Франкфуртнинг "Айнтрахт" жамоаси имкониятлари юқори баҳоланмоқда. Франкфуртликлар аллақачон корейс футболчисига расмий таклиф билан чиқишган. Воқеалар буёғига қандай ривожланишини эса вақт кўрсатади.