UZ

Сўнгги янгиликлар

01:30Аллегри "Милан" билан шартнома имзолади (Фабрицио Романо)  2 01:03Григорий Колосовский: "Бугунги дурангдан биз хурсанд бўлишимиз, рақиблар эса буни мағлубият каби қабул қилиши керак"  1 00:36Жалолиддин Машарипов ҳаракат қилаётган "Истиқлол" клуби Эрон кубогини қўлга киритди ва ОЧЛ 2 мусобақасига йўлланма олди!  1 00:05"Ал Насср" Роналду билан шартномани узайтириб, уни "Ал Ҳилол"га ижарага бериши мумкин. Қанақасига?  2 23:45Сергей Лебедев: "Иккала жамоа бир хил об-ҳавода ўйнади. Етакчидан очко олганимиздан мамнунман"  1 23:23Ўзбекистон миллий терма жамоаси БААдаги илк машғулотларини ўтказди  8 22:56"Нюкасль" Гендузини сотиб олмоқчи. "Лацио" футболчи учун бир неча ўн миллион евро хоҳламоқда  1 22:35"Ипсвич"нинг бир неча катта клублар эътиборида бўлиб турган ҳужумчиси "Челси"га ўтади!  1 22:13Ўзбекистон U-23 терма жамоаси "Жар" стадионида Францияга қарши ўйинга тайёргарлик кўрмоқда   0 21:45Саудия Арабистони чемпионатида мавсумнинг энг яхшилари аниқланди  7 21:23Санчо "Манчестер Юнайтед"га қайтмаслигини маълум қилди  1 21:05Про лига. "Локомотив" ва "ФарДУ" Олмалиқда дуранг қайд этишди  3 20:35"Реал Мадрид" яқин соатларда яна бир трансферни ҳал қилади  5 20:14Ўзбекистон U-23 терма жамоасининг Франция билан ўйинга тайёргарлик жараёнидан ГАЛЕРЕЯ   1 19:45Буффон Италия терма жамоасини танқид қилди: "Биз ўзлигимизни йўқотдик"  9

Виктор Кумиков: "Биз учун Про лига ва Суперлиганинг фарқи йўқ" Янгиликлар

Виктор Кумиков: "Биз учун Про лига ва Суперлиганинг фарқи йўқ"

"Андижон" жамоаси Про лиганинг иккинчи турида ўз майдонида "Янгиер-Қурувчи"ни 2:0 ҳисобида мағлуб этди.

Ўйиндан сўнг жамоа бош мураббийи Виктор Кумиковнинг фикрларини тингладик.

-  Бугунги ўйинни қийин ўтишини билардик ва кутилганидек кечди. Биринчи турларданоқ жанговар ўйинни кўрсатишимиз керак. Об-ҳаво сабабли майдон ҳолати ҳам яхши эмас. Қийин ўйин бўлди, аммо имкониятлардан фойдаланиб қолдик. Йиғинлардаги оғир юкламалардан сўнг оптимал формага кириб олишимиз талаб этиларди. Ҳимояда эса ишончли ҳаракат қилдик. Албатта, ҳужумда ҳам яна бошқа вазиятларга эга бўлдик. Аммо ҳаммасини ҳам голга айлантира олмадик. Энг асосийси, натижага эришдик. Футболда натижа муҳим, - дейди Кумиков. 

-  Шаҳбоз Эркинов нима учун майдонга туширилмади?

-  Бунинг сабаби унда кичик жароҳати бор эди. Кеча асосий таркиб билан шуғулланди. Унгача икки кун биз билан машғулотларда қатнаша олмади. Оёқ мушаклари билан боғлиқ жароҳат бор.

-  "Андижон" Про лигада ўйнаган олдин. Про лига билан Суперлига ўртасида қандай фарқ бор?

-  Биз учун фарқи йўқ. Ўйинчилар айнан про лигага яраша таклиф этилган. Суперлигада эса шунга яраша футболчилар. Масалан, бугунги ўйинда тўп сурган Анваров ҳатто биринчи лигада ҳам ўйнамаган. Биз эса мана шундай ёшларнинг ёнига тажрибали легионерларни жалб қилганмиз. Биз шу таркиб билан олдимизга қўйилган вазифани бажаришга ҳаракат қиламиз. Албатта, Суперлиганинг ўйин тезлиги бошқа, про лигада эса бошқачароқ ва шунга яраша таркиб танланган.

-  Биринчи бўлимда "Андижон" вазиятлардан фойдаланишга қийналди. Бу жамоада ҳужумчилар йўқлигидан дарак берадими?

-  Ҳужумчимиз битта имкониятдан фойдаланди, ҳали мавсум узоқ. Биз яна яхши натижа кўрсатишга ҳаракат қиламиз. Ўтган сафар ҳам, бугун ҳам очилиш ўйинини ўтказдик. Бизга қарши ўйнаётган клубларнинг олдида Суперлигага чиқиш мақсади йўқ. Шунинг учун улар эркин, ўзлари хоҳлагандек ўйнашяпти, босим йўқ. Бугунги учрашувда илгари “Андижон”да ўйнаб кетган футболчилар ўзини кўрсатишга ҳаракат қилишди. Нимага деганда, ўшалар ҳам “Андижон” таркибига киришни хоҳлашган. Биз дарвозамиздан гол ўтказмадик. 

-  Богдан Миличнинг ўйинидан қониқдингизми?

-  У гол урди, ишини қилди. Яна кўрамиз, мавсум ҳали узоқ давом этади. Фарҳод Соҳибжоновда вазиятлар бўлди. Майдонда хавфли вазиятларни яратяпти. Иккинчи қаватда тўпларни ҳам ютяпти. Муҳими, ўз ишини бажаряпти.

Рейтинг: +8   

Фикрлар

championat.asia
< сўнгги янгиликларни кўриш
Яндекс.Метрика