ВИДЕО. Шавкат Муллажонов: "Баҳона ўтмайди, очко олишимиз керак"

Дастлабки савол 1-тур учрашуви ҳақида бўлди.

- Биринчи ўйинда ҳимояда хатолар бўлди, умуман шу ортда қолган ўйин ва 2-тур тайёргарлиги ҳақида айтиб берсангиз...
- Бу катта мусобақа, ҳаммани ҳаяжон босади. Муҳими, ўзимиз учун керакли уч очкони қўлга киритдик. Ҳеч ким хатосиз ўйнамайди. Иккинчи бўлимда вазифани уддалай олдик ва биз ҳимоячилар ўз вазифамизни бажардик.

- Бу биринчи маротаба кузатилмаяпти. Сўнгги ўйинлардан келиб чиқиб айтсам, дастлабки 10 дақиқада жамоа қийналмоқда.
- Тўғри. Ўйин бошида бироз босим бўлади, мана шу 10 дақиқадан кейин барча ўзини босиб олади.

- 1-турдан келиб чиқсак, Хитой бизга қарши КХДР томонидан қўлланилган тактика асосида майдонга тушиши мумкин. Рақиб ҳақида нима дея оласиз?
- Ўйинни тўғридан-тўғри кўрдик. Икки жамоа ҳам биринчи ўйинда қийналди. Хитойнинг омад келди ва пенальтини қайтаришга эришди. Ўйлашимча, иккала жамоа ҳам ўз ўйинини кўрсатмади, худди биз каби.

- Хитой иккинчи ўйинни ҳам Брисбенда ўтказади, бу кейинчалик баҳона бўлмайдими?
- Йўқ, нега энди. Давлат битта бўлса. Масофа қисқа. Баҳона ҳақида ўйлашимиз керак эмас, айниқса очко йўқотиш керак эмас.

- Жамоа вақт муаммосини енгиб ўтдими?
- Ҳа, ҳозир ҳаммаси жойида.

Нодирхўжа Юлдашев.

TAS-IX

TAS-IX эмас