Варан: "Фергюсон 2011 йилда мен билан шартнома имзоламоқчи эди, аммо Зидан сабаб "Реал"га йўл олдим"
17 авг 2021 14:14
Янгиликлар

Варан: "Фергюсон 2011 йилда мен билан шартнома имзоламоқчи эди, аммо Зидан сабаб "Реал"га йўл олдим"

"Манчестер Юнайтед" янги ўйинчиси Рафаэль Варан манчестерликлар собиқ устози Алекс Фергюсон у билан 2011 йилда шартнома имзолашни хоҳлаганини айтди.

"Ўшанда бу борада кўплаб миш-мишлар бўлганди. 2011 йилда Алекс Фергюсон мени Англияга боришга кўндириш учун онам билан гаплашганди.

Мен ўз клубим ["Ланс"] раҳбарияти билан гаплашганман ва бу ажойиб имкониятлигини тушунганман, аммо Зинедин Зидан сабаб "Реал"га йўл олганман", - дейди француз.

Эслатиб ўтамиз, Варан 2011-2021 йиллар давомида "Реал" шарафини ҳимоя қилган. У Мадрид клуби билан 4 бор Чемпионлар Лигасида зафар қучди. У ёзда МЮга 40 млн евро эвазига ўтди.

Ҳавола :

Манба : 90min

Янгиликларни Телеграмда ўқинг!

Рейтинг: +3