UZ

Сўнгги янгиликлар

18:16Суперлига. "Сўғдиёна" - "Нефтчи". Таркиблар маълум  0 18:00Суперлига. "Машъал" – "Бухоро". Таркиблар маълум  0 17:55Ҳиндистон клуби ОЧЛ 2 мусобақасидан четлаштирилди  1 17:35"Қайрат"нинг португалиялик легионери: "Тарихга кириш учун қўлимиздан келганини қиламиз"  1 17:14Факт. "Бухоро" 23 йилдан буён "Машъал"ни сафарда ютолмаяпти  1 16:56Факт. Виталий Левченко Жиззахда "Сўғдиёна"га мағлуб бўлмаган  4 16:35Қозоғистон терма жамоасига вақтинчалик бош мураббий тайинланди  1 16:13Дракслер етакчилигидаги "Ал Аҳли" Андижонда!  6 15:55Ўзбекистон футбол ассоциацияси Эрон терма жамоаси собиқ устозига жиддий қизиқмоқда  41 15:20"Валенсия" Винисиус ҳақидаги ҳужжатли фильм туфайли Netflix'ни судга берди  11 14:57ФИФА ЖЧ-2026 саралашида иштирок этаётган терма жамоага техник мағлубият ёзди  0 14:30Кападзе ФИФА кунларида терма жамоа бошқарувида бўлади  19 14:02Ротация режалаштирилган. "Реал" "Қайрат"га қарши ўйинда майдонга тушириши мумкин бўлган футболчилар маълум  11 13:39"Милан" ва "Интер" "Сан Сиро"ни бузади  0 13:17"Машъал" "Бухоро" билан ўйиндан олдин 2 нафар йўқотишга эга  3

Валижон Раҳимов: "Мураббийларимиз кўрсатмасини тўғри бажариш ва кучли хоҳиш эвазига "Ал Ҳилол"дан очко олишимиз мумкин" Янгиликлар

Валижон Раҳимов: "Мураббийларимиз кўрсатмасини тўғри бажариш ва кучли хоҳиш эвазига "Ал Ҳилол"дан очко олишимиз мумкин"

Олмалиқнинг АГМК жамоаси Осиё чемпионлар лигаси гуруҳ босқичида ўйин ўтказиш учун бугун Саудия Арабистонига йўл олди.

Плей-оффда сафарда "Ал Гарафа"ни 1:0 ҳисобида мағлуб этиб қайтган АГМК "A" гуруҳида "Ал Ҳилол" (Саудия Арабистони), "Истиқлол" (Тожикистон), "Шабаб Ал Аҳли" (БАА) жамоалари билан беллашади. Биз эса бу борада олдиндаги учрашувлар олдидан жамоанинг маҳоратли дарвозабони Валижон Раҳимовнинг фикрлари билан қизиқдик.

- Плей-офф доирасидаги "Ал Гарафа"га қарши ўйин фаолиятингиздаги халқаро майдондаги илк учрашув бўлди. Ушбу учрашувда қандай ҳиссиётлар ва кечинмалар ўтди?

- Ушбу тарихий ғалабанинг шуқуҳи ва кайфияти ҳали тарк этгани йўқ. Мазкур натижадан барча олмалиқлик ва қашқадарёлик футбол мухлислари кўпроқ хурсанд бўлишди, деб ўйлайман. Мураббийларимиз рақибнинг сўнгги ўйинларини диққат билан ўрганиб чиққан ҳолда керакли кўрсатмаларни беришганди. Худонинг қудрати билан сўнгги дақиқаларда ғалаба тўпини киритдик ва мақсадимизга эришдик. Энди навбат гуруҳ босқичи ўйинларига. Бевосита ҳиссиётларга тўхталадиган бўлсам, Саудия Арабистонинг боришимизни барчамиз қаттиқ истагандик. Муқаддас рамазон ойида Маккага яқин жойда бўлиш қандай бахт эканлигини ўйлаб кўринг. Худога шукур орзуимиз амалга ошадиган бўлди. 

- Ўтган мавсумдаги ишончли ўйинларингиздан сўнг мухлислар сизни ўзи учун кашф қилганди. Бу йил эса масъулият икки ҳисса юқори бўлиши табиий. Бўлажак ўйинлардаги босим ва қийинчиликларга тайёрмисиз?

- Футболда дарвозабонда масъулият ниҳоятда юқори бўлади. Шуни ҳис қилган ҳолда мураббийлар ишончини оқлашга ҳаракат қиламан. 

- АГМКнинг гуруҳ босқичидаги рақиблари кучли ва номдор эканлиги барчага маълум. Айниқса "Ал Ҳилол"ни ортиқча таърифлаш шарт эмас. Жамоа ниманинг эвазига Саудия Арабистони клубидан очко тортиб олиши мумкин?

- Тўғри таъкидладингиз. "Ал Ҳилол" Осиёнинг энг кучли жамоалари қаторига киради. Бу - футбол, унда ҳамма нарса рўй бериш эҳтимоли бор. Олдиндан ҳеч нарса деб бўлмайди. Мураббийларимизни кўрсатмаларини тўғри бажарган ҳолда, кучли хоҳиш ҳисобига худо хоҳласа енгишимиз мумкин. Жалолиддин Машарипов, Одил Ҳамробеков, Азиз Ғаниев тўп тепаётган "Шабаб Ал Аҳли" жамоасини ҳам кучсиз демаган бўлардим. Улар яқинда БАА Лига кубогида зафар қучишди. Умуман олганда барча ўйинлар шиддатли ва муросасиз кечишини олдиндан тахмин қилса бўлади. 

- Ушбу учрашувларга тайёргарлик қандай бўлмоқда?

-  Юқори кайфиятда тайёргарлик давом этмоқда. Биз Ўзбекистон номидан майдонга чиқамиз. Худо хоҳласа яхши натижалар қайд этиб, ортимизга ёруғ юз билан қайтишга ҳаракат қиламиз. 

Абдулазиз Искандаров ёзиб олди

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика