"Валенсия"га қарши ўйинда Винисиус билан нима содир бўлди? У нега четлатилди?
22 май 2023 01:56
Янгиликлар
![](https://championat.asia/upload/storage/751609_original.jpg)
![](/upload/storage/751609_220.jpg)
"Валенсия"га қарши ўйинда Винисиус билан нима содир бўлди? У нега четлатилди?
"Валенсия" "Реал"ни 107 дақиқа давом этган ўйинда мағлуб қилишга эришди. Бироқ, ўйиндаги асосий воқеа Винисиус билан содир бўлди.
Иккинчи бўлим охирларида "Валенсия" мухлислари Винисиусни "аҳмоқ" дея ҳақоратлашди. Ўйинни эса саккиз дақиқага тўхтатишга тўғри келди.
Ушбу вазиятдан бироз олдин "Реал" ҳужумга ўтаётганда майдонда иккита тўп пайдо бўлди. Иккинчи тўпни трибунадан майдонга отишганди. Ўша вазиятда Винисиус тўп билан олдинга ўтаётган эди, аммо уни қўрполлик билан тўхтатишди. Рақиб ўйинчисига сариқ карточка кўрсатилди ва жарима тўпи белгиланди. Шундан сўнг эса Винисиус ва "Валенсия" мухлислари ўртасида можаро келиб чиқди.
Вини ва бир неча "Реал" ўйинчилари рақиб дарвозаси ортидаги трибунага юқинлашишди. Винисиус эса қўллари билан кимгадир ишора қилди ва ҳакамнинг эътиборини ўша нуқтага қаратмоқчи бўлди.
Бир неча манбалар ушбу ҳолатда Винисиусга нисбатан ирқий камситишлар бўлганини ёзишди. UOL нашрининг ёзишича, бразилиялик вингерни "Валенсия" футболчилари маймун дея ҳақоратлашган. Бундан ташқари, биринчи бўлим давомида мухлислар Винисиусга нисбатан "Нақадар ёмонсан, Винисиус, нақадар ёмонсан" дея бақиришган.
Иккинчи бўлимнинг қўшиб берилган дақиқасида эса Винисиус қўполлик сабаб четлатилди. Вини Уго Дуронинг юзига ургани ВАР ёрдамида текширилди ва бразилиялик қизил карточкага лойиқ кўрилди. Бироз аввал Винисиусни томоғидан бўғиб олган "Валенсия" футболчиси Дуро эса хатто сариқ карточкага ҳам лойиқ кўрилмади. Винисиус Жуниор эса майдонни истеҳзоли қарсаклар ила тарк этди.
Ўхшаш янгиликлар
![AMP Logo](https://championat.asia/image/logo-amp.png)
Фикрлар