Вадим Абрамов: " Йирик ҳисобдаги ютуқни кутмагандик"

Ўйинни ҳамма кўрди. Шунинг учун саволларга ўтсак ҳам бўлади.

- Йирик ғалаба қозонишингизни аввалдан сезганмидингиз?
- "Насаф" кучли жамоа. Биз бу ўйинга пухта тайёргарлик кўргандик. Йирик ҳисобдаги ютуқни кутмагандик. Биз аввалдан қарши ҳужумлар режаси асосида ўйнамоқчи бўлгандик.

- Иван Нагаев захирадан майдонга туширилди. Биринчи даврадаги ўйинларда жамоанинг кўплаб голларини айнан шу ҳужумчи киритгандик.
- Бизни жамоада кўплаб тажрибали футболчилар бор. Рақобат кучли. Биз имкон даражасида ҳамма футболчиларга имконият беришга ҳаракат қиламиз. Ҳар бир ўйинга, рақибга қараб таркиб ва тактика танлаймиз.

- Биринчи даврадаги энг қийин ўйин айнан "Насаф"га қарши бўлганди дегандингиз. Бугунги баҳсда осонлик билан ғалаба қозондик деб ўйлайсизми?
- Йўқ, айтиб ўтганимдек рақиб анча кучли. Мавсум аввалида биз "аждарлар"дан кучсизроқ эдик. Ҳозир эса исталган рақиб билан беллаша оламиз. Бугунги ўйин шу қадар кечдики, бизда кўплаб голлар киритиш имкониятлари юзага келди ва футболчиларим бу вазиятлардан унумли фойдалана олишди. Дарҳақиқат, ҳозиргача энг қийин кечган баҳс "Насаф" билан бўлган.