Вадим Абрамов: "Ҳозирча биз ўйлаган футболни ўйнамаяпмиз"

"Чехларни бизга муносиб рақиб деб айтган бўлардим. Бошқача тактика ва ўйин усулига эга жамоаларга қарши ўйнаш доим қизиқарли бўлган. Бу ерда машғулотларга зўр бераётганимиз учун жисмоний зўриқиш билан ўртоқлик ўйинларида ўйнаяпмиз. Ҳозирча мен ўйлаган футболни намойиш этмаяпмиз. Аммо бунга вақтимиз бор", - дейди Вадим Абрамов сайтимизга берган интервьюсида.

- Кеча Жўраев тўлиқ ўйнади. Уни иккинчи даврага тайёрлаяпсизми?
- Нафақат уни, балки жамоадаги барча футболчилар асосий таркиб учун тайёр бўлишлари керак.

- Гейнрихнинг бугунги ҳолати ҳақида нима дея оласиз?
- Сашанинг имкониятларини ҳаммамиз биламиз. "Брюн"га қарши "Локомотив" сафидаги илк учрашувини ўтказганини инобатга олсам, унинг ҳаракатларидан қониқиш ҳосил қилдим