"УзДонгЖу" Янги йил байрамини ўтказди
25 дек 2014 19:56
Янгиликлар

"УзДонгЖу" Янги йил байрамини ўтказди

Андижон шаҳрида жойлашган "UzDongJu-Paint Ko" лак-бўёқ ишлаб чиқариш заводи кеча Янги йил тадбирини ўтказди.

Шаҳардаги "Toshkent-Premium" тўйхонасида бўлиб ўтган тадбирда бу йил биринчи лигада 5-ўринни эгаллаган "УзДонгЖу" футбол клуби шарафига ҳам зиёфат дастурхони ёзилди.

Ушбу кечада иштирок этиш учун таклиф олганимиздан сўнг, манзил томон йўлга чиқдик. Тадбирда заводнинг ишчи ходимлари ва футболчилар иштирок этди. Шу боисдан ҳам соат 12:00да бошланган байрам нақд 5 соат давом этди. Унда хушкайфият улашувчи турли ўзига хос кичик мусобақалар ташкил этилиб, иштирокчилар муносиб совғалар билан тақдирланди.
Таниқли санъаткор Ширин Маматова ўзининг дилтортар мусиқалари билан йиғилганларга завқ улашди.

Тадбир давомида "УзДонгЖу" футбол клубининг жорий мавсумдаги иштироки ҳақида тайёрланган видео-ролик намойиш этилди. Қолаверса бу йил республика чемпиони бўлган "УзДонгЖу" ёшлар жамоаси аъзолари Кубок ва диплом билан тақдирланди.

Ҳавола :

Манба : championat.asia

Янгиликларни Телеграмда ўқинг!

Рейтинг: