UZ

Сўнгги янгиликлар

13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  0 12:50"Барселона" Ла Лигада Шенснини рўйхатдан ўтказди  0 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  0 11:58Меҳди Таремининг янги клуби маълум  1 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0 10:31Германияга етиб борган Жексоннинг "Бавария"га ўтиши бекор бўлди. Нега?  3 10:00Салоҳ АПЛ чемпионлигига асосий даъвогар жамоа номини айтди  8 09:32Украиналик футболчи учун курашда "Бенфика" ютиб чиқди  1 08:40Бухорога Суперлига ўйинларини қайтариш ҳаракати бошланди  8 08:17Sofascore. Захирадан майдонга тушган Ўринбоев энг катта баҳолардан бирини олди  5 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  3 07:25"Ал Иттиҳод" мавсумни йирик ғалаба билан бошлади. Бенземадан хет-трик  2 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  27 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  2

Умид Аҳмаджонов: “Футбол — мухлислар учун” Янгиликлар

Умид Аҳмаджонов: “Футбол — мухлислар учун”

Ўзбекистон Суперлигасининг 3-тури мухлислар ташрифи борасида жорий мавсумдаги энг яхшиси бўлгани ҳақида аввал хабар бериб ўтгандик.

3-турда жами 85 209 нафар мухлислар стадионларда Суперлига учрашувларини томоша қилишди. Бу кўрсаткич эса мухлислар ўртасида ўзбек футболига  яна қизиқиш пайдо бўлганидан дарак беради.

Ўзбекистон футбол ассоциацияси 1-вице-президенти Умид Аҳмаджонов бу кўрсаткич мавсум давомида янада ошишига ишонч билдириб ўтди.

“Юртимизда ўзбек футболига нисбатан қизиқиш деярли сўнганди. Ўтган мавсумда Олий лига ўйинларида стадионлар “ҳувиллаб” ётди. Учрашувларнинг бошланиши ноқулай вақтга қўйилгани, футбол ўйинларидаги нохолисликлар, баъзи ҳакамларнинг адолатсиз равишда ўйинларни бошқариши мухлисларнинг кўнглини футболдан совутганди.

Янги мавсум арафасида Суперлига учрашувларига мухлислар ўртасида қизиқишни орттириш учун бир қатор чора-тадбирларни амалга оширдик. Биринчи навбатда ўйинлар бошланишини мухлислар учун қулай вақтга белгиладик. Ҳакамлар савиясини ошириш, уларнинг ўйинларни холис бошқаришларини таъминлаш мақсадида уларга турли йиғинлар ташкил этилди, ҳакамлар маошлари оширилди. Футболда адолатни устувор қилишга интилмоқдамиз. Бунинг самарасини барча кўриб турибди.


Мухлислар яна стадионларга қайтмоқда, бу эса футболимизга қизиқиш ортаётганидан дарак беради.

Жорий мавсумда Суперлиганинг 3та турида учрашувларга жами 223 665 нафар мухлис ташриф буюрди. Бу битта турдаги учрашувлар сони 6тага қисқарганидаги ҳолат. Таққослаш учун, ўтган мавсумда Олий лигада 16та жамоа қатнашган, табиийки, ўйинлар сони кўпроқ бўлган. 2017 йилда дастлабки 3та турда стадионларга жами 133 760 нафар мухлис келган. Гувоҳи бўлаётганингиздек, жамоалар ва ўйинлар сони қисқарган Суперлиганинг дастлабки 3та турида аввалги йилга қараганда 100 минг нафардан кўпроқ мухлис стадионга келди.

Суперлиганинг ҳар бир учрашуви курашларга бой, шиддатли тарзда кечмоқда. Келаси турларда ўйинлар янада қизғин кўриниш олади, ҳар бир очко учун жамоалар жон-жаҳдлари билан курашишади. Бу эса янада кўпроқ мухлисларни стадионларга чорлаши аниқ. Мухлисларнинг стадионларга ташрифини ошириш, уларга қулайликлар яратиш учун бир қатор чора-тадбирлар амалга оширилаётганини ҳам таъкидлаб ўтиш керак. Жумладан, стадионларда махсус оилавий секторлар ташкил қилинди, стадионларда таом ва ичимликлар сотиладиган дўконлар кўпайтирилди. Бу ҳам мухлисларни ўйлаб амалга оширилган ишлардан бири.

Ўз ўрнида юртимиздаги барча футбол мухлисларини стадионларга келиб, футбол учрашувларини томоша қилишга чақириб қоламиз. Футбол Сиз азиз мухлислар учун”, - дейди Умид Аҳмаджонов.

Рейтинг: +34   

Фикрлар

championat.asia
< сўнгги янгиликларни кўриш
Яндекс.Метрика