U-23 Осиё чемпионатида Ўзбекистондан 7 нафар журналист ишлайди
11 янв 2016 12:26
Янгиликлар

U-23 Осиё чемпионатида Ўзбекистондан 7 нафар журналист ишлайди

Яна икки кундан сўнг Қатар пойтахти Доҳада Ўзбекистон олимпия терма жамоаси жанубий кореялик тенгқурларига қарши баҳс олиб борадилар.

Мазкур тоифадаги Осиё чемпионатини ёритиш учун Ўзбекистон ОАВда фаолият олиб бораётган журналистлардан 7 нафари иштирок этишни режалаштирганлар. Булар:

Ҳасан Пирмуҳамедов (ЎФФ фотомухбир)
Даврон Файзиев (Спорт ТВ шарҳловчи)
Камолиддин Алимов (Интер Футбол газетаси ва Olamsport.com)
Нодирхўжа Юлдашев (championat.asia)
Зафар Қосимов (uff.uz)
Акрамжон Мамадалиев ("Қўқон-1912" матбуот хизмати)
Толибжон Қосимов (championat.asia)

Юқорида номи қайд этилган ОАВ вакиллари қитъа чемпионатида сиз ўқувчилар учун энг қайноқ хабарлар, эксклюзив интервьюларни тақдим этиб борадилар.

Шунингдек, "Oreo" савдо белгиси ва "Camera.uz" сайтлари ҳомийлиги остида сайтда ҳар куни 10 дақиқалик видео репортажни томоша қилишингиз мумкин бўлади.

Сайтимиз вакилларини Қатардаги Осиё чемпионатига боришида яқиндан ёрдам берганликлари учун, "Микрокредитбанк", "Oreo" савдо белгиси ва "Camera.uz" сайти, Ўзбекистон мухлислар клубига ўз миннатдорчилигимизни билдирамиз.