“Тоттенхэм” афсонаси Моуриньюнинг мураббийлар штабидан жой олди

Кинг бутун футболчилик фаолиятини “шпорлар” сафида ўтказган. 1997-1999 йиллар клуб академиясида таҳсил олган бўлса, 1999-2012 йиллар давомида асосий жамоа шарафини ҳимоя этган. 39 ёшли англиялик бутсаларини михга илганидан кейин лондонликларнинг ёшлар жамоаларида мураббий сифатида фаолият кўрсатди.

“Ледлини мураббийлар штабимга қўшилганидан хурсандман, биз янги мавсумга тайёргарлик кўришни давом эттирамиз. Ишқибозлар Кингнинг “Тоттенхэм” учун майдонда ва ундан ташқарида ҳам қилган хизматларини қадрлашади. Орамизда яхши муносабатлар юзага келди, унинг билим ва тажрибасини тўғри йўналишга йўналтира оламиз деган умиддаман”, дейди Жозе.