UZ

Сўнгги янгиликлар

19:52"Манчестер Юнайтед"да Аморим ўрнига янги номзод маълум бўлди  1 19:28Тимур Кападзе Хитой терма жамоаси бош мураббийи бўлиши мумкин  7 19:05"Вест Хэм" Поттер ўрнига Лэмпардни тайинлаши мумкин. Ҳозирда мутахассис Чемпионшипнинг "Ковентри" клубида ишламоқда  0 18:41Слот Исакнинг ўйинига баҳо берди  1 18:18"Реал" "Ювентус"га Эндрикни ижарага олишни таклиф қилганди. Италия клуби рад этди  0 17:55Ўзбекистонлик ҳакамлар ЖЧ 4-саралаш босқичи ўйинида ишлайди  1 17:46ЖЧ-1998 саралаши. Миржалол Қосимов: "БААга пенальтидан гол ура олмаган ўйинимда майдонга тушишга лойиқ эмасдим, телевизорга қарашга уялганман"  4 17:34​Билич Ўзбекистонда эмас, собиқ жамоасида иш бошлаши мумкин  6 17:15Манба: Ўткир Юсуповнинг жароҳати кутилганидан жиддийроқ бўлиб чиқди  3 17:10Суперлига. "Сурхон" - "Машъал" (матнли трансляция)  1 16:47Ўзбекистонлик ҳакам университетлар ўртасидаги Жаҳон чемпионати учрашувини бошқарди  0 16:27ЎФФ раҳбарияти Осиё Кубоги саралаши олдидан терма жамоа аъзолари билан учрашди  2 15:59"Ливерпуль" еврокубокда илк бор англиялик футболчиларсиз таркибни майдонга туширди  4 15:33Фарғонада "Нефтчи" ғалаба қозонадими? Олмалиқда нима бўлади? — 22-тур олдидан мутахассис фикри  5 15:17Суперлига. 22-тур дисквалификациялари: "Динамо", "Андижон" ва "Пахтакор"да йўқотишлар бор  3

Тошкентда Видео ёрдамчи ҳакамлар тайёрлаш бўйича илк ФИФА курслари бўлиб ўтмоқда Янгиликлар

Тошкентда Видео ёрдамчи ҳакамлар тайёрлаш бўйича илк ФИФА курслари бўлиб ўтмоқда

Хабарингиз бор, халқаро тажрибадан келиб чиққан ҳолда, футбол учрашувлари вақтида адолат ва шаффофликни таъминлаш мақсадида Ўзбекистонда VAR (Video Assistant Referee – видео ёрдамчи ҳакам) тизимини жорий этиш кўзда тутилмоқда.

Шу мақсадда дастлаб ноябрь ойида Тошкентда VAR тизимини йўлга қўйиш, ушбу тизимдан самарали фойдаланиш бўйича семинар ўтказилди. ФИФА ва ИФАБ мутахассислари мазкур замонавий тизимни йўлга қўйишда эътибор қаратиш лозим бўладиган жиҳатлар бўйича зарур кўникмалар тақдим этишди.


Кейинроқ эса Ўзбекистон Лига кубоги-2019 финал учрашувида Ўзбекистон футболи тарихида илк бор VAR тизими оффлайн тартибда синовдан ўтказилди. Бунда Белгиянинг EVS компанияси мутахассислари юртимизга ташриф буюриб, VAR тизимини ўрнатишда ва синовдан ўтказишда яқиндан кўмак беришди.


Қайд этиш жоиз, ФИФА ва ИФАБ тавсияларига мувофиқ VAR тизимини йўлга қўйиш учун 9 ойдан 12 ойгача вақт талаб этилади ва бу бир неча босқичда амалга татбиқ этилади. Яъни, дастлаб бу борада етарлича тажрибага эга VAR провайдери билан ҳамкорлик йўлга қўйилади, ушбу тизим бўйича ишлайдиган мутахассислар, видеоператорлар тайёрланади, стадионлар VAR тизимидан фойдаланиш учун мослаштирилади, VAR бўйича ишловчи ҳакамлар малакаси оширилади. Шундан кейингина VAR тизимидан фойдаланиш мумкин бўлади.


Ўзбекистон футбол ассоциацияси ушбу йўналишда тизимли тарзда иш олиб бормоқда. Жумладан, кеча пойтахтимизда Видео ёрдамчи ҳакамлар тайёрлаш бўйича илк ФИФА курслари бошланди. Мазкур курс FIFA Forward дастури доирасида ўтказилмоқда.


60 нафар ҳакам ҳамда ёрдамчилар VAR тизимидан фойдаланиш бўйича ташкил этилаётган ушбу курсларда иштирок этишмоқда. Мазкур курсларга ФИФА томонидан йўриқчи сифатида Фарҳод Абдуллаев тайинланди.


Ҳакамлар VAR тизимидан фойдаланиш бўйича ҳам амалий, ҳам назарий кўникмаларга эга бўлишмоқда. Жумладан, VAR қайдномасини тўлдириш, VAR симуляторларида ишлаш, баҳсли вазиятларни кўриб чиқиш ва тўғри қарор чиқариш бўйича амалий машғулотлар ўтказилмоқда.

Таъкидлаш жоиз, ушбу семинар 20 декабрга қадар давом этади. Режага кўра, Видео ёрдамчи ҳакамларни тайёрлаш бўйича давомли тарзда ташкил этилиши белгиланган бундай ФИФА курслари 2020 йилда ҳам ўтказилади.  

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика