Тимур Турдиев: “Жамоа ғалаба йўлида ҳарактер кўрсатишди”

Ўйин борасида

“Жуда қийин ўйин бўлди. “Хоразм” кучли жамоа эканини кўрсатиб берди. Шу ўринда шогирдларимизга миннатдорчилик билдираман. Охирги дақиқаларга қадар курашди ва ғалаба йўлида ҳарактер кўрсатишди. Биз мазкур ўйинга пуҳта тайёргарлик кўргандик. Мухлисларимизга ҳам миннатдорчилик билдирган бўлардим. Улар ҳам бизни тинимсиз равишда қўллаб-қувватлади. Кейинги баҳсларга ҳам тайргарликни давом эттирамиз ва ижобий натижалар кўрсатмоқчимиз.

Арислан Юсупбаев борасида

Арислан Юсупбаев жароҳатидан тўлиқ фориғ бўлмаган. Шу сабабли уни асосий таркибда туширмаяпмиз. Бугунги беллашувда ҳам захирадан сафга қўшилиб, қаҳрамон сифатида майдонни тарк этди дея оламан. 

Қурбонов ва Машариповни тарк этгани хусусида

Миржалол Қурбонов ва Темур Машариповни тарк этгани борасида аниқ маълумотга эга эмасман. Буни клуб раҳбариятидан сўраганингиз маъқул. Чунки мен кўп вақт жамоа билан бирга бўлмадим. Шу сабабли бу саволга жавоб бера олмайман.

Молиявий ҳолат борасида

Ҳозирда молиявий томонлама муаммолар бўлиб турибди. Лекин тез орада вазиятдан чиқиб кетамиз. Бу вақтинчалик ҳолат деб биламан. Раҳбарият таъкидлашича, ойни якунига қадар барча қарздорликлар ёпилади. 

Ҳакамлар ҳақида

Ҳакамлар борасида гапира олмайман. Чунки уларнинг ишини кўриб чиқадиган қўмита бор.