Тимур Кападзе: "Янгиер" майдонида ҳар бир жамоага қийин бўлади"

"Биринчи ўринда "Янгиер" жамоасини ғалаба билан табриклайман. Танаффусдан кейин биринчи учрашув бўлгани учун қийин бўлди. Ушбу учрашувда қандай ҳолатда эканлигимизни кўриб олмоқчи эдик. Рақиб яхшироқ ўйнади. Ўйинга ҳар томонлама тайёр эканлиги кўриниб турди. Хатоларни кўриб, ўрганиб чиқамиз. Майдон майсасини баландлиги ва курашлар кўп бўлгани бунга сабаб бўлди. Тўпни юриши қийин кечди. Шу боис бизнинг футболчилар мослашишда муаммоларга дуч келди. Рақиб эса анча мослашиб олганди. Ўзини эркин тутди. Иккинчи бўлимда ўн киши бўлиб қолганимиз ўз таъсирини ўтказди. Шунга қарамай яхши ҳаракат қилишди. Лекин ваҳима қилиш керак эмас. Мағлубиятлар бўлиб туради. Ўйлайманки, биз тўғри хулоса чиқарамиз. Кейинги ўйинда бундан ҳам кучлироқ ҳаракат қиламиз ва олдимизга қўйган мақсадимизга эришамиз",- дейди Тимур Кападзе.

- Қизил карточка бўлган вазиятга эътирозингиз йуқми?
- Ўша ҳолатда ҳимоячи бўш ва эркинроқ ҳаракат қилди. Оддий вазиятда хатога йўл қўйди. Ҳакамлар балки тўғри қарор қабул қилгандир. Лекин ўйин тугади. Ҳеч нарсани ўзгартириб бўлмайди. Биз ўз хатоларимизни ўрганиб чиқамиз.

- Жамоа давралар оралиғида Минскда ўқув-машғулот йиғинини ўтказди. Иккинчи даврага тайёргарлик ва трансферлардан кўнглингиз тўлдими?
- Янги келган футболчилар анча иқтидорли. Минскдаги йиғин анча яхши ўтди. Ўртоқлик учрашувларида ҳам яхши натижалар қайд этилди. Камчиликларни билиб олиш учун яхши спарринг рақиблар бўлди. Бироқ бу ўйин билан солиштириш қийин. Ўйин 17:30да бошланди. Бундай пайтда ҳаво иссиқлиги ҳам таъсирини ўтказади. "Янгиер" майдонига келган ҳар бир жамоа қийналади. Курашлар кўп бўлишини билган ҳолда тайёргарлик кўргандик. Барибир қийналишди.

- Трансферлар ойнасида таркибига қўшиб ололмаган футболчилар ҳам бўлдими?
- Албатта бўлди. Клублар ҳам осонликча қўйиб юбормайди. Менимча ўринбосарлар жамоасида ўйнагандан кўра, Про лигада ўйнаган яхшироқ. Ҳамма ўз клуби манфаатини ўйлайди. Ўзимизга ёққан келажаги бор футболчиларни сафимизга қўшиб олдик. Қай даражада ўсишга эришади, ўзини кўрсата оладими, буни вақт кўрсатади.

Янгиер Шероз Жалолов - 19', Фаҳриддин Алимов - 83'

ПРО лига. 14-тур 04/08/2021, 17:30 0 : 2 Тугади

Олимпик

45'

90'

19'  Шероз Жалолов

50'  Бекзод Толибжонов

65'  Шероз Жалолов (Тўлқин Эргашев)

79'  Достон Мелиқўзиев (Фаҳриддин Алимов)

79'  Мпако Этаме Жером (Муҳаммадқодир Раҳимберганов)

83'  Фаҳриддин Алимов

90'  Ёдгор Назаров (Шохзамон Хайруллаев)

90'  Ойбек Аҳматов (Хуршид Асқаралиев)

26'  Шаҳзод Тоиров

46'  Шоҳжаҳон Султонмуродов (Муҳаммадали Ғиёсов)

46'  Талгат Нигматуллин (Элдор Бегимов)

61'  Бектемир Абдуманнонов (Алишер Одилов)

61'  Отабек Жўрақўзиев (Фаррух Мухторов)

77'  Беҳзод Шамсиев (Любомир Бондаренко)

Матч-центрда очиш