Тимур Кападзе: "Иккала ўйинда ҳам ютишимиз мумкин эди"

Эслатиб ўтамиз, жамоамиз шу ўйиндан сўнг гуруҳдан чиқиш имкониятларидан маҳрум бўлди.

"Бунақанги эрта кетиш ниятимиз йўқ эди. Ҳаракат қилдик, аммо илк ўйиндаям, бугун ҳам қаердадир омадсизлик, қаердадир тажрибасизлик панд берди.

Келиб кўрдик, энг аламлиси бундан яхшироқ ўйнашимиз ва иккала баҳсда ҳам ғалаба қозонсак бўларди. Эпизодларда хатога йўл қўйган ҳолда гол ўтказиб юборган.

Кейинги сафар келганимизда бундан ҳам кучлироқ бўламиз. Мухлисларга раҳмат айтаман ва узр сўрайман. Олдинги ва бугунги ўйиндаги энг зўрлари мухлислар эди. Ҳали уларни ғалабалар билан хурсанд қиламиз", — деди Тимур Кападзе.