Тимур Кападзе: "Биргаликда кучли бўлиб керакли натижани қўлга киритамиз, бошқа йўлимиз йўқ"
23 янв 13:03
Янгиликлар

Тимур Кападзе: "Биргаликда кучли бўлиб керакли натижани қўлга киритамиз, бошқа йўлимиз йўқ"

Ўзбекистон терма жамоаси бош мураббийи Тимур Кападзе бугундан ишга киришди. Мутахассис ЎФА матбуот хизматига қисқача интервью берди.

"Биринчи ўринда Сречко Катанецга соғлик тилайман. Соғлик доим биринчи ўринда туради. Кеча раҳбарият томонидан мени номзодим тасдиқланди. Терма жамоа бегона эмас. Бу либосда кўп йиллар майдонда тўп тепганман, мураббий, ёрдамчи мураббий бўлганман. Мен учун терма жамоа ҳар доим устун туради. Биз аскармиз. Олдимиздаги вазифани бажаришимиз керак. Мураббийлар штаби, футболчилар билан гаплашдик. Март ойида ФИФА кунларидаги 2 та муҳим учрашувга яхши тайёргарлик кўрамиз, чунки оз муддат қолди. Энг асосийси ҳамма соғ бўлсин, яхши формада келсин. Олдимизда ҳал қилувчи ўйинлар кутиб турибди. Албатта, босим, қийин пайт. Ўйлайманки, ҳаммаси жойида бўлади. Биргаликда кучли бўлиб керакли натижани қўлга киритамиз, бошқа йўлимиз йўқ. Футболчиларнинг маҳорати, кучи етади. Мухлисларнинг дуолари, қўллаб-қувватлаши ҳам керак. Бу нарсага фақат биргаликда эришишимиз мумкин",- дейди Тимур Кападзе.

Ҳавола :

Манба : Championat.asia

Янгиликларни Телеграмда ўқинг!

Рейтинг: +19