Танташев кеча олган жароҳати туфайли Элит ОЧЛ плей-офф учрашувида ишлай олмайди
06 авг 2024 12:22
Янгиликлар

Танташев кеча олган жароҳати туфайли Элит ОЧЛ плей-офф учрашувида ишлай олмайди

Кеча Олимпиада ўйинларининг ярим финал баҳсида ишлаган ҳакамимиз Ильгиз Танташев жароҳат олиб, майдонни эрта тарк этди

У Марокаш - Испания учрашувининг 12-дақиқасида испаниялик футболчи билан тўқнашиб кетди. Шифокорлар текширувидан сўнг ҳамюртимиз беллашувни давом эттира олмаслиги маълум бўлди ва ўз ўрнини захира ҳакамига бўшатиб берди. Баҳсдан сўнг маълум бўлишича, Танташев оёқнинг тўпиқ қисмидан жароҳат олган. Аллақачон тикланиш бўйича муолажалар бошлаб юборилган. Тез орада реферининг қачон майдонга қайтиши ҳақида ҳам батафсил маълумот берамиз.

Эслатиб ўтамиз, юртдошимиз 13 август куни Элит Чемпионлар Лигаси доирасидаги беллашувни бошқариб бориши кўзда тутилган эди. Жароҳат сабаб у мазкур баҳсни ўтказиб юборади.

Ильгиз Танташевга соғлиқ тилаб қоламиз!", - деб ёзади ЎзФҲМ матбуот хизмати.

Ҳавола :

Манба : uzfhm.uz

Янгиликларни Телеграмда ўқинг!

Рейтинг: +5