Танишинг, “Бунёдкор”нинг янги футболчиси: Шаҳзодбек Нурматов
08 янв 2016 12:53
Янгиликлар

Танишинг, “Бунёдкор”нинг янги футболчиси: Шаҳзодбек Нурматов

Тошкентнинг “Бунёдкор” жамоаси мавсумлар оралиғида ўз сафини иқтидорли ҳужумчи билан тўлдирди.

Бекободнинг “Металлург” жамоасидаги ўйинлари орқали мухлисларга яхши таниш бўлган Шаҳзодбек Нурматов бундан-буён “қалдирғочлар” шарафини ҳимоя қилади.

Нурматов олий лигадаги дебют учрашувини 2011 йили “Динамо” таркибида “Машъал”га қарши ўтказганди. Самарқаддаги ярим йиллик фаолиятидан сўнг ҳужумчи кейинги тақдирини Бекободнинг “Металлург” клуби билан боғлади. Шаҳзодбек Нурматов “Металлург” сафида деярли беш йил тўп тепди. У умумий ҳисобда чемпионат баҳсларида 108та учрашув ўтказиб, рақиблари дарвозасига 35та гол урди.

Шаҳзодбек ўз ҳаракатлари билан Ўзбекистон ёшлар, олимпия ва ҳатто миллий терма жамоа мураббийлари эътиборини ҳам қарата олди. У Ватанимизнинг бош жамоаси сафида учта ўйинда иштирок этишга улгурди.

Ҳужумчи энди “Бунёдкор” шарафини ҳимоя қилади. Унинг “қалдирғочлар” таркибидаги фаолияти янада муваффақиятли бўлишига умид қилиб қоламиз.

БИЗНИНГ МАЪЛУМОТ
Тўлиқ исми: Нурматов Шаҳзодбек Содиқ ўғли
Туғилган санаси: 18.09.1991
Туғилган жойи: Тошкент шаҳри
Амплуаси: Ҳужумчи
Бўйи: 185
Вазни: 76

Ўйнаган жамоалари:

Йил	Жамоа	Ў	Г
2015	“Металлург” (Бекобод)	26	10
2014	“Металлург” (Бекобод)	21	8
2013	“Металлург” (Бекобод)	20	9
2012	“Металлург” (Бекобод)	26	8
2011	“Металлург” (Бекобод)	6	0
2011	“Динамо” (Самарқанд)	9	0