Суперлига. Бугун "Навбаҳор"да очилиш ўйини, "Насаф" Бухорода меҳмон
04 май 2019 11:32
Янгиликлар
Суперлига. Бугун "Навбаҳор"да очилиш ўйини, "Насаф" Бухорода меҳмон
НАВБАҲОР — СЎҒДИЁНА
Бу мавсум Намангандаги стадиондаги дастлабки ўйин "Навбаҳор" ва "Сўғдиёна" ўртасида бўлиб ўтади. "Сўғдиёна" бу мавсум икки марта сафарда ўйин ўтказди ва иккаласида мағлубият аламини тотиб кўрди. Ўзбекистон чемпионати доирасида бу икки жамоа жами 46 марта тўқнаш келишган. 23та учрашувда "лочинлар" зафар қучишган. 6 марта дуранг кузатилган ва 17та баҳсда жиззахликлар устун келишган.
"Сўғдиёна" ўз тарихида ҳеч қачон "Навбаҳор"ни сафарда мағлуб эта олмаган экан (5 дуранг, 18 мағлубият). Бу йилги чемпионатнинг охирги учта турида "Навбаҳор" умуман мағлуб бўлмади (2 ғалаба ва 1 дуранг).
Мазкур учрашувда "Сўғдиёна" ҳимоячиси Элёр Орифов ва Шоҳруз Норхонов дисквалификация туфайли майдонга туша олмайди.
Навбаҳор Славко Лукич - 8', Александр Касьян - 18', Александр Касьян - 31' |
Суперлига. 7-тур 04/05/2019, 19:00 1
:
3
Тугади
|
Сўғдиёна Санжар Рашидов - 90' |
БУХОРО — НАСАФ
Турнир жадвалида ёнма-ён кетаётган икки жамоа ўртасида баҳс. Бахтиёр Ашурматов Рўзиқул Бердиевга қарши. Иккала жамоа ҳам дастлабки 6та турда 8тадан гол ўтказиб юборди.
"Бухоро" бу йил ўз майдонида ҳозирча умуман ғалаба қозонгани йўқ (2 дуранг ва 1 мағлубият). "Насаф" эса сафардаги учта ўйиннинг ҳеч бирида зафар қуча олмади (1 дуранг ва 2 мағлубият).
Бу икки клуб Ўзбекистон чемпионатида ўзаро 42 бор ўйин ўтказишган. Шундан 11тасида "Бухоро" ғолиб чиққан, 9та баҳсда дуранг қайд этилган. Қолган 22та ўйинда "аждарлар" муваффақият қозонишган.
"Насаф" охирги икки йил Бухородаги ўйинларда икки марта мағлуб бўлган. Эътиборлиси бу баҳсларда "Бухоро" хатто гол ҳам ўтказмаган.
Бухоро |
Суперлига. 7-тур 04/05/2019, 19:45 1
:
0
Тугади
|
Насаф Ҳумоюн Муртозаев - 65' |
Фикрлар