“Мавсум охири яқинлашгани сайин муҳим ўйинларда нафақат ишонч ва ғайрат, балки, омад ва маҳорат ҳам албатта талаб қилинади. Ярим финалга қадар жуда яхши ишни амалга оширдик. Энди эса шу йўлнинг охиригача боришни хоҳлаймиз.
“Манчестер Юнайтед” устози сифатида бош совринни кўтарадиган куни менинг орзуим амалга ошади. Бунинг учун меҳнат қилмоқдамиз”, дейди Сульшер.
2007 йил Чемпионлар Лигаси чорак финалида “Рома” 7:1 ҳисобида таслим этилгани ҳақида
“Ўша иккала учрашувни ҳам эслайман. Биринчи ўйинни асосий таркибда бошлагандим. 1:2 ҳисобидаги мағлубиятдан кейин жуда яхши натижага эришдик. Ўша оқшом сеҳрли бўлганди. Алан Смит қойилмақом ҳаракат қилди. “Юнайтед” нималарга қодирлигини кўрсатдик. Буни яна такрорлаш ниятидамиз!”, дейди мутахассис.
