UZ

Сўнгги янгиликлар

22:50Уильямсни сотиб олса ҳам "Барселона" Рэшфордни трансфер қилишга уриниб кўради  4 22:31Фарҳод Нишонов: "Бир нечта футболчиларимизда Суперлигадан клубларидан таклифлар бор"  0 22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  3 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  65 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  67 20:16Тер Штеген "Барселона"да қолмоқчи  0 19:58Бобир Абдихолиқов "Келажак бунёдкори" медали билан мукофотланди  7 19:35"Милан" "Торино" футболчисини сотиб олади  1 18:51Клопп клублар ўртасидаги ЖЧ форматини жиддий танқид қилди  6 18:32Хаби Алонсо "Ювентус"га қарши ўйин ҳақида: "Уларнинг "Манчестер Сити"га қарши ўйини ҳеч нимани англатмайди"  5 17:45"Милан" 3 футболчини сотиб олмади ва жамоасига қайтариб юборди  0 17:20"Штутгарт" футболчисини 100 млн еврога баҳоламоқда, "Бавария" эса 50 миллионга  0 16:51"Пахтакор" Қаршида сўнгги дақиқаларда иккита гол уриб, мағлубиятдан қутулиб қолган учрашувдан ГАЛЕРЕЯ  4 16:23"Барселона" Месси, Коутиньо, Куман олдидаги қарзларини ёпди  16

Сречко Катанец Қатардаги Осиё Кубогида неча нафар футболчи хизматидан фойдаланди? Янгиликлар

Сречко Катанец Қатардаги Осиё Кубогида неча нафар футболчи хизматидан фойдаланди?

Ўзбекистон терма жамоасининг Қатар мезбонлик қилган Осиё Кубогидаги иштирокига оид маълумотлар билан ўртоқлашишда давом этамиз.

Осиё Кубогида кимлар дебют қилди?

Аввалги Осиё Кубокларида мураббийлар таркибга 23 нафар футболчини жалб қилишшган бўлса, ОФК 2024 йил Қатардаги Осиё Кубогига 26та ўйинчини рўйхатдан ўтказишга рухсат берди. Сречко Катанец 26талик лимитдан тўлиқ фойдаланди. Ўткир Юсупов, Зафармурод Абдираҳматов, Аббосбек Файзуллаев, Муҳаммадқодир Ҳамралиев, Рустам Ашурматов, Умар Эшмуродов, Шерзод Насруллаев, Шаҳбоз Умаров, Хожимат Эркинов, Абдулла Абдуллаев, Абдуқодир Ҳусанов, Жамшид Болтабоев, Остон Ўрунов, Одилжон Ҳамробеков, Диёр Холматов, Хожиакбар Алижонов жами 16 нафар футболчи илк бор қитъа турнирида майдонга тушди. Бундан ташқари дебютантлар Абдувоҳид Неъматов, Ботирали Эргашев, Бобир Абдихолиқов, Азиз Амоновга имконият берилгани йўқ. Сречко Катанец 26 нафар футболчининг 22 нафарининг хизматидан фойдаланди. 

Аввалги мусобақаларда бу кўрсаткич қандай бўлган? 

1996 йилги Осиё Кубогида Баҳодир Иброҳимов 23 нафар футболчининг 21 нафаридан фойдаланган. Зафар Мусабоев ва Дмитрий Башкевич майдонга тушишмаган. 

2000 йил Ливанда ўтган турнирда Юрий Саркисян 22 нафар футболчини жалб этган ва 20 нафаридан мусобақа давомида фойдаланган. Дарвозабонлар Наримон Османов ва Георгий Забиров майдонга тушмаган. 

2004 йилги қитъа мусобақасида 22 нафар ўйинчидан 20 нафари майдонга тушган. Алексей Поляков ва Шавкат Раимқуловнинг хизматига мураббийлар эҳтиёж сезмаган. 

2007 йил Рауф Инилеев мусобақага 23 нафар футболчини олиб кетган ва 19 нафар футболчига ишонч билдирган. Иқбол Акрамов, Ботир Қораев, Ғайратжон Ҳасанов, Илдар Магдеев захирада қолдирилган. 

2011 йил Қатар яшил майдонларида ўтган Осиё Кубоги учун 23 нафар футболчи таклиф этилган эди. Вадим Абрамов фақатгина Фарруҳ Нурлибоев ва Мурод Зуҳуровнинг хизматидан фойдаланмаган.  

Кейинги Осиё Кубогида бу сон бироз камайди. Австралиядаги Осиё Кубогида 23 нафар футболчининг 19 нафари имкониятга эга бўлишган. 4 нафар футболчи Фарруҳ Сайфиев, Акбар Тўраев, Егор Кримец, Элдорбек Суюновга эҳтиёж сезилмаган. 

Эктор Купер ҳам Қосимов сингари 23 нафар футболчидан 19 нафарига ишонч билдирди. БААда ўтган турнирда Одилжон Ҳамробеков, Достон Турсунов, Санжар Қувватов, Ўткир Юсупов бирор маротаба майдонга тушмаган. 


Абдусалом Джалилов

Рейтинг: -7   

Фикрлар

championat.asia
< сўнгги янгиликларни кўриш
Яндекс.Метрика