Славен Билич кейинги йил Тошкентга келади(ми)?
22 ноя 2018 16:07
Янгиликлар

Славен Билич кейинги йил Тошкентга келади(ми)?

Бугун Осиё чемпионлар лигаси гуруҳ босқичига қуръа ташланди.

Унга кўра Ўзбекистон чемпиони "B" гуруҳидан жой олди. Ушбу гуруҳда Саудия Арабистонининг "Ал Иттиҳод" ва БААнинг "Ал Ваҳда" клублари ўрин олди. Яна бир клуб номи плей-офф босқичидан сўнг маълум бўлади. Ҳозирча Ўзбекистон чемпиони номи маълум эмас. Тошкентнинг "Локомотив" ва "Пахтакор" клуби 2018 йилги Суперлига чемпиони бўлиш учун кураш олиб боришмоқда.

Биз "Ал Иттиҳод" ва "Ал Ваҳда" сафида қайси машҳур футболчилар борлиги ҳақида маълумот берамиз.

Саудия Арабистонининг "Ал Иттиҳод" клубини бугунги кунда хорватиялик машҳур мураббий Славен Билич бошқариб бормоқда. Жамоа сафида Мэтью Юрман (Австралия), Карлос Вильянуэва (Чили), Карим Эл Аҳмади (Марокаш), Валдивия (Бразилия), Александар Пешич (Сербия), Жонас (Бразилия), Тиаго Карлето (Бразилия) ва Фаҳад Ал Муваллад (Саудия Арабистони) каби футболчилар ўйнайди. Эътиборлиси "Ал Иттиҳод" ўз миллий чемпионатида 9та турдан сўнг 16та клуб орасида энг охирги ўринни эгаллаб турибди. Агар шундай давом этадиган бўлса Билич истеъфога чиқиши ва Тошкентга келмаслиги мумкин.

Саудия Арабистони чемпионати мусобақа жадвали

"Ал Ваҳда"ни ҳозирда руминиялик Леонардо Регекампф бошқариб бормоқда. Жамоа таркибида Исмоил Матар (БАА), Себастьян Тальябуэ (Аргентина), Мурад Батна (Марокаш), Леонардо (Бразилия), Рим Чанг Ву (Жанубий Корея) каби футболчилар бор. "Ваҳда" янги мавсум БАА чемпионатининг 9та туридан сўнг 15 очко билан 5-ўринни эгаллаб турибди.